M.P. et L., f secrettement — pons

tirent; mais tout leur cariage^ et la plus part de leurs bagaiges demeurèrent, et s'en allèrent vers la duchié d'Orléans. Le second jour après, les gens du duc de Bourgoingne allèrent devant la tour de Saint Clou et se rendi le capitaine à la volenté du roy, aveuc sa compagnie ; et fu la volenté du roy telle qu'il fist trencher la teste au capitaine de la tour, nommé Golinet de Puiseux, et aussy à messire Manssart du Bois, pour che qu'il estoit natif de Picardie.

Ne demoura guerre, après, que le roy et le duc de Bourgoingne envoyèrent le marescal Boussicault, le seigneur de Helli, Enguéran de Bourno ville et Âméde yiri, à tout grant puissance, en la ville de Bonneval ; lesquelz faisoient guerre à la duchié d'Orléans, au païs de Beause et d'environ. Le conte Walleran de Saint Pol euvt charge d'aller aveuc grant compagnie de gens de guerre en la duchié de Valoix, en la terre de Goussy, là où il fist grant conqueste. Et, premier, luy fu rendu Creppi en Valoix, Pierrefons dont le seigneur de Bousquiaulx estoit capitaine ; puis après, La Frété Millon et Villers Cauderech. Après alla devant la ville et castiaulx de Goussi, dont messire Robert d'Onne estoit capitaine. La ville ne tint guerres, ains se rendi au conte de Saint Pol. Le chastiau tint et fu asségié et batu de canons que guaires n'y faisoient; car c'est une des belles et fortes places du roy aime de France. Et quant le conte de Saint Pol vit qu'il ne le poroit avoir pour batre de canons, il y fist faire pluiseurs mines, entre lesquellez en y ot une qui s'adrécha à l'encontre d'une tour qui se nommoit la tour Maistre Odon .