M. P. et L., t en ung village — fu prins

46 CHRONIQUE DE JEAN LE FÉYRE [t41 1 ]

Anglois, et qu'il ne pouroit fallir de les trouver. Le seigneur de Helli crut yceulx de la Rocelle et alla en leur ville, et monta en mer cuidant trouver les Anglois. Mais, pour abregier,. ilz ne les trouvèrent point.

En retournant vers la Rocelle il le convenoit passer devant la ville de Soubize. Or est vray que, quantNledit seigneur de Helli vint devant ladicte ville, il requist à ses maronniers qu'ilz le descendissent à terre, car il vouloit veoir de quelle advenue estoit la ville de Soubize. Les maronniers s'excusèrent fort, disant que la mer se retraioit* fort et que leurs gros navires ne pouroit aprochier la terre. Il respondi qu'il vouloit descendre, et qu'on le mist en battakins*. Et de fait descendit, et aulcun de ses gens, au mieulx que povoient. Les Anglois, qui dedens Soubize estoient, se mirent tout en armes, véans que les gens du seigneur de Helli descendoient à très grant paine, et que ceulx des navires ne pouroient secourir ceulx de la terre, et qu'ilz estoient assés fors pour iceulx ôombatre, saillèrent hors de leur ville, et combatirent le seigneur de Helli, qui bien se défendit ; car il estoit vaillant chevalier. Là fu le noble chevalier de Helli prins, et de bien nobles gens de sa compagnie mors et prins ; et là morurent messire Regnault de Helli, son frère, le seigneur de Bailleul en Flandres, messire Jehan Oudart, etfiluiseurs aultrez; et ceulx des navires, qui ne povoyent secourir le seigneur de Helli, se retournèrent en la Rocelle. Par cette maie fortune fu la compagnie du seigneur de Helli rompue, et s'en retourna chascun en son pais.