CHAPITRE XXVII

La délivrance du seigneur de Croy et des enfans du duc de Bourbon; et comment ledit seigneur de Croy fut fait gouverneur de BoullenoiSj chastelain de Briot sur Somme et grant bouteiller de France.

Au mois de mars ensuivant, à la prière et requeste de la ducesse de Bourbon, fille du duc de Berri, fu, par le duc d'Orléans, le seigneur de Croy mis à plaine délivrance de la prison où il avoit longhement esté, et fil convoyés des gens du duc d'Orléans, jusques auprès de Paris ; et à son partement promist, sur sa foy, de tant faire vers son maistre, le duc de Bourgoingne, que les enfans de Bourbon qui estoient prisonniers seroyent délivrez. Et quant il fii venu à Paris, le duc de Bourgoingne et le duc de Guyenne le rechurent à grant joye.

En brief jours après, le seigneur de Croy fist requeste, laquelle avoit promis la délivrance des enfans de Bourbon, laquelle lui fu accordée de par le roy . Sy fiirent mandés au chastel de Renti, et furent amenés à Paris, et de là furent renvoyés franchement sans rien payer, et les conduisy messire Jehan de Croy, jusques aulx terres du duc de Berri. Mais le filz de messire Manssart du Bois, qui avoit esté prins aveuc eulx, demoura prisonnier au chasteau de Renti. En oultre, le seigneur de Croy, par l'ordonance et consentement du duc de Bourgoingne, fu ordonné, de par le roy, gouverneur de la conté de Boulongne et chastelain de

48 ^ CHRONIQUE DE JBAIC LS FATRE [H18]

Briot sur Somme ; et encore luy fii donné, de rediîef, à la requeste du duc de Bourgoingne, l'office de grant boutillier de France ; et à messire Pierre des Ëssars, prévost de Paris^ se* fu bailliet l'office d'estre maistre des eaues et foreàtz , lequel tenoit par avant Walleran de Saint Pol, connestable de France.