CHAPITRE XXXn

Comment le roy wsit le siège devant la cité de Bourges^ où traictiet se feit, et fut la cité rendue^ et la paix de Chartres renouvellée entre les parties d'Orléans et de Bourgoingne; et comment les Anglois descendirent en Normandie.

Le dixiesme jour de juing, le roi mist son siège devant la ville de Bourges. De ce qui y fut fait ne vous quiers faire grande recordacion, pour ce que les cronicques de France en font mencion bien au loin, ne des armes, escarmuches et saillies, ne des rencontres. [Mais certainement ceulx de dedens et de dehors firent maintes belles armes Tung contre l'autre^]. Mais, en fin, traictié s'i .fist, et fii rendue en Tobéissanoe du

i. M. P. et L. — Lovrry doit être une faute dans M.B. 2. M.P. et L.

68 CHRONIQUE DE JEAN LE FÉVRE [I4l 2]

roy, et fu lors renouvellée la paix faicte à Chartres entre les parties d'Orléans et de Bourgoingne ; et furent les serraens renouvelés d'un costé et d'aultre. Après ce que le roy eult receut l'obéissance de la cité de Bourges, les ducz de Berry et de Bourbon et le seigneur de Labreth, avec eulx les procureurs du duc d'Orléans et ses frères, allèrent en la tente du duc de Guyenne, pour ce que, pour lors, le roy estoit malade de sa maladie acoustumée ; et, en la présence de pluiseurs princes et grans seigneurs, jurèrent de rechief la paix par eulx accordée devant Bourges , sur sainctes Évangiles, tenir loyaument et fermement garder ; et, en après, le promirent jurer en la présence du roy, et le faire jurer le duc d'Orléans et ses frères, qui lors estoient absens, en leur promectant de faire savoir le jour qui leur fut assigné par devant le roy ; c'est assavoir en la ville d'Ausoire.

Après [ces choses et ^] juremens et promesses, le roy alla à Ausoire, et convindrent le duc d'Orléans, ainsi que promis avoient ses procureurs ; et là renouvelèrent les seremens que faire dévoient. Durant ces traictiés, le roy estant à Ausoire, luy vindrent aultres nouvelles et aux princes estant avec luy, qui moult luy despleurent, et non sans cause. C'est assavoir que les Anglois estoient arrivez, à tout leurs navires, à la Hogue^ Saint-Vast, qui est au pays de Constantin; et là estoient descendus à terre, et eulx expandus au pays d'environ, et roboient et prenoyent prisonniers; et estoient environ viij"* combatans, dont il y avoit deux