CHAPITRE XXXIIl

Du retour du roy à Paris ^ et comment le duc d'Orléans alla vers le duc de Clarence et le contenta de la souldée des Anglois qu'il avoit amenez à son aide et secours; et des commotions et haines couvertes entre les princes du sang royal; et comment le conte de Flandres se partist du roy et retourna en son pays de Flandres.

En ce [meisme] temps le roy retourna à Paris. Avec le roy entrèrent à Paris les ducz de Guienne, de Bourgoingne et de Bourbon, et le conte de Vertus. La roynne, avec les ducz de Berry et d'Orléans, demeurèrent au bois de Vincennes. Brief après, la royne entra dedans Paris, et fut, par le duc d'Orléans, convoyée jusques auprès de la porte, sans entrer dedens; puis prist congié d'elle, et par dehors de Paris s'en

1. M. P. etij., « le bois de Wissault. » — M., « \efort de Russault. »

tira en sa conté de Beaumont, et le duc de Berry demeura au bois de Yincennes. Et^ après ce que le duc d'Orléans eubt par aucuns jours séjourné en sa conté de Beaumont, se départi et alla vers les Ânglois, c'est assavoir le duc de Clarence, qui estoit venu, comme dessus est dit, à sa requeste. Sy le contenta de finance aussi avant que il pot finer ; et, por ce que il ne peult recouvrer de toute la somme que on leur povoit devoir pour leurs gaiges , le conte d'Ângolesme, son maisné frère, fut baillié en pleige et hostage au duc de Clarence pour le résidu, avec luy pluiseurs gentilz hommes, qui tous ensemble furent envoyez par le duc de Clarence en Angleterre. Et puis, à tout ses gens, s'en alla au pais de Guienne, et fut baillié le conté d'Ângolesme pour la somme de ij® et x™ frans, monnoie de France. Et après ce que le duc d'Orléans ot ainsi exploictié, s'en retourna à Blois. Sy demourèrent iceulx hostages ou pays d'Angleterre grant espace de temps, comme cy après sera déclairé.

En ce mesme temps, pluiseurs commotions se faisoient à Paris secrètement entre les seigneurs du sang royal, et tout par les officiers et serviteurs des princes, car n'y avoit celui qui ne désiroit avoir aucun gouvernement, ou prouffit ; les ungs de la partie d'Orléans, les aultres de Bourgoingne. Par quoy bien ne se povoient bien concorder ensemble ; et n'y avoit celuy qui ne voulsist gouverner, quelque traictié qu'ilz eussent fait. Si y avoit, en couvert, de grandes haynes couvertes et grans envyes ; et tant firent le duc d'Orléans et ceulx de sa bende que ilz gouvernèrent du tout le roy et le duc de Guyenne.

Le duc de Bourgoingne véant les choses ainsi retour-

nées, se parti secrètement de Paris en menant le roy à la chasse, où il prist congié de luy, et s'en alla en son pays de Flandres ; dont ceulx de Paris et aultres ses bien veullans furent moult desplaisans ; car ceulx qui estoient commis en aucuns offices ou gouvernemens, furent déposez à la requeste des ducz de Berri et d'Orléans. Mais, touteffoiz, il avint avant le parlement du duc de Bourgoingne maintes merveilleuses choses ea la cité de Paris, ainsi que cy après sera dit. Ainsi comme vous advez ouy, se démenoient les faiz de France, et tout par envyes et haynes couvertes. Parquoy le roy et son royalme fut presque tout destruit ; et si n'en povoit mais. Or est [vray et*] ainsi que pour les maulx que les gens du duc de Glarence ^ faisoient ou pays de Normendie et es marches environ, fu le roy conseillié de faire mandement et assembler gens d'armes pour résister allencontre de icelluy duc de Glarence et de ses gens. Touteffoiz, conmie vous avez oy, le duc d'Orléans contenta le duc de Glarence, et tant fîst que il retourna en Angleterre, luy et ses gens.

GHAPITRE XXXIV.

Comment la ville de Soubize^ en Guyenne^ fut prinse et desmoliepar le duc de Bourbon, et conte de la Marche y sur les Anglois.

Or est ainsi que les gens de guerre que le roy avoit

i. M.P. etL.