M.P. et L., « que — le duc de Glarence

[1412] SEIGNEUR DE SAmX-REMY. 73

mandé pour la résistence des Anglois, faisoient innumérables maulx autour de Paris. Sy fut advisé que on les payeroit pour ung mois, et seroient menez, par le duc de Bourbon et le conte de la Marche, ou pays de Guyeane, pour asségier la ville de Soubize séant sur la mer, à trois lieues près de la Rochelle, que lors les Anglois occupoient. Et, ainsi que il fut ordonné, il fut fait ; et furent iceulx payez pour ung mois. Hz furent conduis et menez par ung vaillant chevallier, nommé messire Hector, bastart de Bourbon , néantmoins que le duc de Bourbon et le conte de la Marche estoient les chiefz. Or exploittèrent tant que ilz se trouvèrent en la ville de Saint-Jehan d'Angeli. Eulx là venus, ilz envoyèrent en la Rocelle secrètement faire faire grant nombre d'eschielles ; et, ce pendant, envoyèrent courre devant la ville de Soubize pour [prendre] les passages et aussi l'assiéte de la ville. Et puis après ce que leurs habillemens furent faiz, ilz ordonnèrent certains batteaulx à mettre leurs eschielles , et sy assemblèrent le plus d'arbalestriers que ilz peurent finer ; puis ordonnèrent que, à certain jour, ceulx de la Rochelle seroient à tout leur appariel auprès de la ville ; le duc de Bourbon, le conte de la Marche et le gentil bastart de Bourbon ensemble yroient avec leurs gens par terre. Et de fait, d'une beUe nuyt, passèrent la rivière de la Charrente, à Sainctes et à Taillebourg, et devant le jour se trouvèrent assez près de la ville de Soubize.

Toutteffois, ilz n' estoient point si près que ceulx de la ville peussent oyr le bruit de leurs chevaulx. Là firent leurs ordonnances pour assaillir la ville de la belle nuyt ; pavaix et eschielles furent descendus de la navire, et environ le point du jour commenchèrent à

assaillir la ville. Et de fait fu la ville prinse d'assault, non obstant que ilz estoient de v à vj^ Ânglois dedans ; mais ne se doubtoient de Tassault ne de la venue des François. Et là furent mors de deux à troix cens Anglois, et les aultres prisonniers. Là fut la ville destruicte, et par ceulx de la Rochelle démolie. Après ceste conqueste, les deux gentilz princes de France donnèrent congié à tous leurs gens de guerre ; et les deux princes dessusdis retournèrent à Paris, où ilz furent grandement festoyez.