Les deux manuscrits portent le xvj^^ et Le Laboureur, h
[1413] SEIGNEUR DE s AINT-REMY. 85
du duc de Bourgoingne et des Parisiens, le roy alla en la chambre de parlement; et là fist en estât royal. Et là fist et ordonna certaines constitucions touchant le gouvernement de son royaulme; et par espécial ordonna ung mandement qui seroit porté par tout les bailliages et ailleurs, pour là estre publié. Et la cause si estoit pour ce que mesire Glugnet de Brabant, messire Loys Bourdon, et aultres capitaines, tenoient les champs sur la rivière de Loire, en prenant leur chemin devers Paris. Le mandement contenoit, en effect, que le roy mandoit à tous ses baillys et officiers conmient il avoit sceu que pluiseurs gens de guerre tenoient les camps, pillant, robant et destruisant son royaulme. Et, de fait, estoit acertené que par eulx estoient ses subgectz tuez, renchonnés, pucelles violées ; et tous les maulx que ennemis pourroient faire ilz faisoient.
Pour lesquelles causes le roy mandoit qu'il fust cryé à son de trompe, par tous les lieux acoustumez à ce faire, que tantost ung chascun s'en retoumast à son hostel, sans plus tenir les champs, sur confiscation de corps et de biens. Et avec ce fut publié que nul, de quelque estât qu'il fust, fussent les princes de son sang ou aultres, ne feissent assemblée de gens de guerre, pour quelque cause que ce fust, se n'estoit par son mandement et ordonnance. Toutteffoiz il n'entendoit mie que, se aucun prince de son sang, et qui l'avoient servi au siège de Bourges, mandoient aucuns de leurs subgectz,
dixiesme ; la date est fausse dans chacun. Monstrelet, seul, donne la vraie, qui était le xxvj, pour tomber un vendredi; Pâques ayant ouvert Tannée 1413, le 23 avril, comme la remarque en a été faite plus haut.
qu'ilz ne le peussent, à venir devers eulx; mais à tous aultres deffendoient.
Tantost après, environ la vigille de Penthecoustes, messire Jacques de la Rivière, frère au conte Danrmartin, qui avoit esté pris avec le duc de Bar, en Tostel du duc de Guyenne, fut dit que il s'estoit désespéré et frappé d'un pot d'estain en la teste, si grant cop que il s'estoit tué ; et, pour ceste cause fut mis sur une charecte , et mené es halles de Paris , où il fut décapitez. Mais, à la vérité, la chose alla autrement; car le seigneur de Jacqueville l'ala visiter en la prison, et, entre pluiseurs parolles, Tappella faulx trayttre ; et messire Jacques respondit que il avoit menty. Et adont, Jacqueville, soy véant desmenty, et meu de couroux, le frappa, d'une petitte hachette que il tenoit en sa main, si grant cop que il en morut. Et quant ledit Jacqueville l'ot ainssy tué, il yssy hors de la prison, et fîst courre la voix aval * Paris, que luy mesme s'estoît tué d'un pot d'estain. Sy fut tout notoire que ainsi estoit; et cuidoit chascun qu'il fust ainsi.
Ung gentil homme, nonmié le Petit Maisnil, escuyer trenchant du duc de Guienne, eult la teste trenchiée es Halles, et aussi orent Thomelin de Brye et deulx aultres gentilz hommes; et tout ce faisoient faire les Parisiens. Le conte d'Eu, qui là estoit, prinst congié du roy et du duc de Berry son beau père , pour aller en sa ville d'Eu, où il fist grant assemblée de gens d'armes, faignant que il voulsist faire guerre au seigneur de Croy, pour cause* que messire Jehan de
