M. P. et L., c pour tant

Croy avoit prins les enffans de Bourbon en son chastel de Monceaulx. Mais, il fist le contraire ; car tantost que il euvt ses gens prestz, s'en alla devers les ducz d'Orléans, qui lors estoit à Verneid ou Perche , et aussi le roy Loys, les ducz de Bretaingne et de Bourbon, les contes de Vertus et d'Alenchon, et pluiseurs grans seigneurs, qui estoient assemblez pour certaines lettres que le duc de Guyenne leur avoit escript, et aussi mandé par le conte de Vertus : c'est assavoir comment le roy son père, la royne et luy, estoient prisonniers et de tous poins au gouvernement et garde de ceulx de Paris ; dont luy desplaisoit grandement. Aussi leur fist A dire l'emprisonnement des ducz de Bar et de Bavière, ^^ et des aultres, tant hommes que femmes; pourquoy s'estoient iceulx assemblez en la ville de Vernoeul.

Si orent advis ensemble qu'ilz rescriproient au roy, à son grant conseil, et à ceulx de Paris, qu'ilz laissassent aller le duc de Guienne où bon luy sembleroit, et que ilz délivrassent les ducz de Bar et de Bavière, avec tous les aultres prisonniers; ou, se ce ne faisoient, ilz feroient guerre à la ville de Paris, et destruiroient, à leur povoir, tous cheulx qui dedens estoient*, réservé le roy et ceulx de son sang royal. Lesquelles lettres receues par le roy furent mises en consiel, où il fut délibéré que on envoyeroit une ambassade devers eulx, pour traictier des matières pour faire responce aux lettres que escriptes avoient le samedi, premier jour de juillet.

Après ce que on eult fait le procès de messire Pierre des Essars, auparavant prévost de Paris, il fu mené es Halles, où il otla teste trenchiée, et le corps mené au gibet.