c du daulphin, » M.P
valiers d'iœlluy ordre estoit actaint oii oonvaîiicu de trayson, d'érésie; ou que il se trouvas! en journée de battaille où cottes d'armes «t banières fussent desployéeSy et procédé si avant que jusques à combattre sans estre victorieulx, prins ou mort ; pour l'un de ces trois cas , il seroit prî^ et déboutté de icellui noble et fraternelle compaignie de Tordre de la Thoison d'or ; or, est vray que le seigneur de Montagu ne fut victorieux, ne mors ne prins. Pour laquelle cause il fîit mandé à comparoir en. personne devant le duc, fondateur, chief et souverain et les chevaliers de l'ordre de la Thoison d'or, au prochain chappitre lors ensuivant. Auquel cappitre ledit de Montagu envoya, pour oyr ce de quoy on le vouldroit accuser; ausquelz il fîit dit que ledit de Montagu, leur maistre, avoit offense fait et commis cas pourquoy il devoit estre privé et débouté de la noble compaignie de la Thoison d'or, et de non jamais porter collier ne ensaingne d'icelle noble ordre ; en leur enjoingnant^ de par le duc et ceulx de l'ordre, qu'ilz deissent au seigneur de Montagu , leur maistre , qu'il renvoyast le collier et que jamais il ne le portast. A quoy iceulx notables gens, envoyez de par le seigneur de Montagu, respondirent et monstrèrent maintes belles et grandes excusacions pour le seigneur de Montagu , disans que au jour de la battaille il avoit par sa vaillance saulvé mains chevaliers et escuiers d'estre mors ou prins, et que par pluiseurs foiz il soustint le fait des ennemis, les fist arester et retarder de la chasse qu'ilz faisoient sur eulx. Et prenoit à prouver, par nobles hommes, qu'en ce fut le derrain retrayant de la besoingne ; et, s'il ne vouloit.
[1431] SEIGNEUR DE SÀINT-REMY. Si57
à son droit essient, estre mors ou prins, aultrement De povoit faire. Et, se pour bien faire, il failloit qu'il perdist icelle noble compaignie de Tordre, il lui sembloit que c'estoit une dure chose à porter, mesmement qu'il s'estoit gouverné icellui jour si vaillamment que corps de chevaliers povoit faire.
Touteffoiz, quelque remonstrance que les gens du seigneur de Montagu sceussent faire, ledit seigneur de Montagu ne fut receu à excusacion nulle, et fut procédé allencontre de luy, et par les oppinions de ceulx de l'ordre de la Thoison d'or estans en leur chappitre. Non obstant pluiseurs poursuites qui lors se firent depuis, le seigneur de Montagu fîit jugié de non jamais porter le collier de la Thoison d'or et d'estre privé et débouté de la noble compaignie d'icelle ordre.
Quant le seigneur de Montagu sceult la sentence, il fut si dolent et desplaisant que jamais homme ne povoit plus estre ; car il estoit vaillant chevalier et de grant courage. Pour laquelle cause il fist ses ordonnances et fist finance pour s'en aller au voyage du saint sépulcre de Jhérusalem. Duquel voyage ne retourna oncques puis, et là fîna ses jours. Dieu en ait l'àmë ! Aucuns veuUent dire que le prince d'Orenges avoit porté le collier de l'ordre de la Thoison d'or; mais bien peult estre que, à la cause de ladicte journée, il perdit d'avoir ledit collier et ordre ; car il estoit bien bonmie pour estre en icelle belle compaignie, n'eust esté la douloureuse et mauldicte adventure qui luy advint. Je lairay à parler de la battaille de Languedocq, et parleray de celle des Barroys où le duc de Bar fut prins et Barbasan mors.
S58 CHROiaQUB DE JEAN LE FIÈVRE [1431]
