CHAPITRE (XXXIX

De la guerre du duc de Bar^ René d'Anjou^ contre le conte de Vaudemontj lequel avecques le recours des gens de guerre que le duc de Baurgaingne ' luy feistj con^aUst ledit duc de Bar, qui fust prisonnier et envoyé audit duc de Bourgongne et perdist la battaille.

Une grant guerre se meult entre Régné d'Anjou, filz du roy Loys, nommé roy de Sézille, lequel Régné ot ung oncle de par sa mère : c'est assavoir, le cardinal, filz et héritier du duc de Bar, son frère, lequel frère morut à la battaille d'Agincourt, l'an xv dont cy devant est faicte mencion.

Or est vray que ledit cardinal donna et fist son héritier dudit Régné son nepveu, et luy donna et délaissa la duchie de Bar et pluiseurs aultres belles seigneuries ; et par le moyen d'icelles seigneuries, et aussi qu'il estoit filz de roy, issu de la très crestienne maison de France, la fille et héritière de la duchie de Lorrayne luy fut donnée en mariage ; qui fut ung grant bien pour les ducbies de Bar et de Lorraine ; car, de long temps avoit eu en icelles seigneuries guerres et divisions, qui par icelluy mariage furent en paix et unies soubz ung seul seigneur. Aucuns disoient que ladicte seignouHe de Lorraine s'estoit entretenue si long temps qu'il n'est mémoire du contraire, tousjours venant de père à filz.

Or, estoit lors ung nonuné Ferry de Lorraine, yssu

de la maison de Lorraine, lors si prochain du duc de Lorraine que nepveu, et cousin germain de l'éritière femme dudit Régné, filz dudit roy Loys. Sy advint, ne sçay se ce fust par partage ou aultrement, que guerre s'esmeult entre icelluy Régné, duc de Bar et de Lorraine, allencontre du conte de Waudemont, seigneur de Genville, de Boves, et aultres seigneur[ie]s. Régné, duc de Bar et de Lorraine, se trouva le plus puissant, et tellement que le conte de Waudemont eust esté tout destruit, n'eust esté qu'il se retraict devers le duc, lequel pour lors estoit en la ville de Gand. Et là luy remonstra que ses prédécesseurs ducz de Lorraine avoient tousjours esté amis et aliez de la maison de Bourgoingne, en luy requerrant qu'il luy vaulsist faire ayde de gens d'armes et de traict. Le duc luy accorda, et ordonna capitaines de Picardie qui eslevèrent grant nombre d'archiers * ; et avec ce , rescripvy et manda aux grans seigneurs de Bourgoingne qu'ilz se meissent sus en armes, et qu'ilz feissent toute Tassistence et ayde qu'ilz pourroient audit conte de Waudemont. Tant fut la chose exploictie que Bourguignons et Picars se trouvèrent ensemble avec le conte de Waudemont; et se mirent, avec eulx, deux chevaliers d'Angleterre, l'un nommé messire Jehan Adam, et l'autre messire Thomas Gargaron.

Quant icelles compaignies furent ensemble, ilz prindrent le chemin pour tirer en la conté de Waudemont que Régné, duc de Bar, destruisoit du tout par feu et espée. Quant le duc de Bar sceult le conte de Waudemont et les Bourguignons venir, il print les