CHAPITRE aXXXI

Comment le duc de Bethforty régent de France, assiéga Laigny sur Marne; laquelle fut ravittailUe des François et le siège délaissié par ledit régent.

En l'an mil iiij^ xxxij, le duc de Bethfort, lors régent de royaulme de France, assembla une grant armée, pour mectre le siège devant la ville de Laigny sur Marne que les François tenoient et occupoient. Après ce que le régent ot fait son amas de gens, il

\. « mencion ». M.P.

s'en alla asségier icelle ville de Laigny et fîst faire pontz sur la rivière de Marne; et moyennant icellui pont, fut la ville tout asségie et puis approchie et battue de bombardes et canons et aultre artillerie, ainsi qu'il est de coustume de faire en siège de si grant prince que lors estoit le duc de Bethfort, régent de France. Dedens laquelle ville de Laigny estoit capitaine pour les François ung gentil chevalier nommé messire Jehan Foucault, qui à la garde d'icelle ville se gouverna honnourablement .

Que vous diroye? Après ce que le siège eult esté par grant espasse devant icelle ville, les François se assemblèrent en grant nombre, entre lesquelz estoit Le Bastart d'Orléans, chevalier vaillant et bien renommé, et grant nombre d'aultres seigneurs et capitaines et nobles hommes. Et quant le régent sceult la venue des François, il print place, cuidant combattre; en laquelle place les gens de son siège se retrayrent comme tous ensemble. Quant les François furent venus, ilz demourèrent à cheval , en moult belle et grant ordonnance, et bien sembloit que ilz ne demandassent que la battaille. Et lors, levèrent une grant escarmuche. Et pendant icelle escarmuche, ilz firent bouter dedens la ville foison vivres qu'ilz avoient fait amener avec eulx ; et, avec ce, y bouttèrent pluiseurs vaillans hommes, pour aidier ceulx de la ville. Icelles choses faictes, et la ville ravitaillie et rafreschie de gens, comme dit est, les François se retournèrent en leurs villes, chasteaulx et place ; quant le régent, qui avoit veu le revitaillement et cetera, leva son siège et s'en retourna à Paris.

Icellui jour fut le jour Saint-Laurens, l'an dessusdit, que, lors, il fit si très chault que pluiseurs Anglois

morurent de la chaleur. Et le régent fut teOement féru du soliel qu'il en (ut mallade : car il estoit sanghin, cras et remplet. Et aussi je croy bien que anvuy^ et desplaisance luy furent fort contraire ; car, à la vérité dire, il estoit vaillant chevalier ; et, s'il avoit déblaisance, ce n'estoit pas merveilles.