CHAPITRE CLXXX

De la bataille du bregierj où les François furent

desconfitz des Anglois.

Bien advez ouy parler comment aucuns, de légier entendement et créance voulage, se boutèrent à croire que les faiz de la Pucelle estoient choses miraculeuses et permises de par Dieu, et fort y furent enclins pluiseurs de ce croire. Or, advint après la mort de Jehenne la Pucelle que aucuns, aussi de folle créance, mirent sus ung fol et innocent bregier, lequel, conmie avoit dit Jehenne la Pucelle, disoit qu'il avoit révélacion divine, affin qu'il se meist sus en armes pour aidier ce noble roy de France : icelle folie fut expérimentée à la charge, déshonneur et perte du royaulme. Et advint que pluiseurs notables seigneurs et capitaines, eulx confians en icelluy bregier, se mirent aux champs. Et quant les Anglois le sceurent, ilz firent une grant assemblée pour résister allencontre d'eux; et tant explointèrent les François qu'ilz vinrent assez près de la cité de Beauvais. De la part des François^ estoient le mareschal de Boussac, Pothon de Saint-Trailles, La Hire et pluiseurs aultres capitaines en leur compaingnie. Et le chief estoit ce meschant honmie, le bregier. De la part des Anglois estoient le conte d'Arrondel, le seigneur de Tallebot et pluiseurs aultres. Lesquelz

1. ( allencontre d'euli. — De la part des François. » M. P. U y a, dans le texte de M. P., d'autres lacunes moindres que je ne relève pas.

François et Anglois assemblèrent à battaille et combattirent très vaillamment les migs et les aultres. Touteffoiz, la fortune tourna sur les François, et là furent pluiseurs mors et prius. Le vaillant Pothon de Saint- Trailles, qui depuis fut mareschal de France, y fut prins; et se y fut prins le povre bregier sur lequel estoit l'espérance des François. Le maressal de Boussacq, La Hyre, et aultres, se retrayrent à Beauvais; et les Ânglois, à grant honneur, triumphe et gloire, s'en retournèrent à Rouen, à tout leurs prisonniers, proies et concquestes. Et là fut mené le bregier. Que il devint depuis? je ne sçay ; mais je oy dire que il avoit esté gecté en la rivière de Saine et noyé. Icelle bataille fut appellée : < la battaille du bregier » ; laquelle battaille lest plus au long escripte es livres de cculx qui en ont cronicques. Et à tant je m'en passe et me souffist d'en faire mémoire ^