MoQstrelet et Olivier de La Marche

332 CHRONIQUE DE JEAN LE FtVRE [1435]

c Premiers que le roj dira, ou, par ses gens notables sousfissans fondez, fera dire au duc, que la mort de feu ledit duc Jdian, son père (que Dieu absolve!), fut inicquement et mauvaisement faicte par ceulx qui perpétrèrent le cas, et par mauvais conseil ; et luy en a tousjours despleus, et de présent desplaist de tout son ceur; et que, s*il eust sceu le cas, en tel eage et entendement qu'il a de présent, il y eust obvié à son povoir. Mais, il estoit bien jeune et avoit pour lors bien petitte congnoissance, et ne fut point si advisé que pour y pourveoir. Et pryera au duc que toute rancune ou hayne, qu'il peult avoir allencontre de luy à cause de ce, il oste de son ceur, et que entre eulx il y ait bonne paix et amour. Et s'en fera de ce expresse mencion es lettres qui 8[er]ont faictes de l'accord et traictié d'entre eulx.

c Item, que tous ceulx qui perpétrèrent ledit mauvais cas, ou qu'il en furent consentans, le roy les habandonnera et fera toute diligence de les faire prendre, s'il est possible, quelque part que trouvez pourront estre, pour estre pugnis en corps et en biens; et, se appréhendés ne pevent estre, les banira et fera banir à tousjours, sans grâce ne rappel, hors du royaulme et Daulphiné, avec confiscacion de tous leurs biens; et seront hors de tous traictiés.

c Item, ne souffirera le roy aucun d'eulx estre receptés ne favorisiés en aucun lieu de son obéissance , et fera cryer et publier , par tous les lieux