Ne serait-ce pas < injurer », pour conjurer

378 CHRONIQUE DE JEAN IM FtVRE [1436]

voyé à mon très redoubté seigneur, luy priant que sur ce ilz vaulsist faire telle responce qu'il luy plairoit, fîist à venir à paix ou à guerre. Pareillement peult apparoir \ear maulvaise voulenté; car, en Angleterre, depuis la paix d'Ârras, ilz ont occis certain nombre de Flamengs et noyez. Et aussi ont prins sur la mer certain nombre de vaisseaulx qui avoient diargié avoir de Portingal et des Flamengs. Aux Portingalois rendirent leur avoir et retindrent ravoir des Flamengs, disans que à mon très redoubté seigneur ilz feroient guerre de feu et de sang. Awsi,s'en sont-ilz mis en paine de prendre par tralson sa ville d'Ardre, dont les malfaiteurs, qui le dévoient avoir livré, sont es mains de mon très redoubté seigneur. Et, combien que mon très redoubté seigneur avoit intencion de vivre à paix et ses pays tenir en bonne justice, ce ne luy peult advenir ; dont il luy desplaist. Et, puis que il se veult deffendre, il luy semble que en nulle manière il ne se peult mieulx deffendre que acquerre son paternel patrimoine et héritage, qui est sa ville de Calais, et laquelle est perpétuelle es marces de ses pays de Flandres et Arthois ; pour laquelle ville de Calais son pays de Flandres prent innumérable dommage et perte ; et a advisé que son pays de Flandres est fondé sur la drapperie , et que la laine d'Angleterre est mise si hault que les marchans n'y pevent prouffiter, et que, plus estre, il fault payer ung tiers de buillon et baillier deux phelippes pour ung noble. Par lesquelles institucions et ordonnances la monnoie de nostre très redoubté seigneur seroit en voye de aller à néant et son pays estre sans gaignage. Et aussi

trouvoit mon très redoublé seigneur que la laine d'Espagne et d'Escoche se commenchoient à rigler selon l'englesse, et que Ten aceptoit bien près lesdictes laines autant que l'en soulloit faire les englesses.

c Mon très redoubté seigneur advisant que son peuple croisoit, et marchandise et gaignage diminuoit en son pays, et que bonnement n'y povoient demourer en cest estât , et aussi considérant la maulvaise intencion des Anglois, vouloit faire comme bon droicturier seigneur et prince, et comme vray pasteur , et voolloit oster le loup hors des brebis ; et estoit son intencion et volenté, par la grâce de nostre Seigneur, et, à l'ayde de ses bonnes gens de la ville de Gand, d'avoir et reconcquerre son héritaige, et de , pour ce, mouvoir sa personne de prince; et, avec ce, de pour ceste cause travaillier les princes et seigneurs de son sang et tous ses bons aultres subgetz, leur faisoit pryer sur tout le service que jamais luy pourroient faire, et sur la foy et sérement qu'ilz luy doivent, que en ce ilz luy vaulsissent faire assistence. En quoy ilz luy feroient le plus grant plaisir et agréable service que oncques luy firent ; et que en ce ilz vaulsissent ensuyr les traces de leurs devanciers, qui par pluiseurs et diverses foiz avoient fait aux seigneurs et princes, ses devanciers, de bonne mémoire, conmie au Pont à Ghoisy, en Brabant, à Hem, en Yermandois, et ailleurs; que, en ce, ilz vaulsissent adviser conunent c'estoit près d'iceulx ses pays, et que souloit estre Flandres anciennement , et le grant donunaige de son pays de Flandres et tous les aultres pays en prendroient. Et en aussi

que en ce vaulsissent passer Tamour de nostre très redoublé seigneur et prince, qui par sa puissance et bien concquis, oultre plus de deux cens lieues et jusques à Lyon sur la Rosne, grant nombre de viUes et fermetez. Et, se il estoit ainsi que ilz lessent cestuy, que seroit grandement à son déshonneur et d'iceulx ses pays , et grandement à son honneur et à rhonneur d'eulx , se ilz le concquéroient ; et que il en seroit mémoire aussi longhement que le monde dureroit; et ce on mecteroit en cronioques grandement à leur honnau". Et, pour ce que aucuns poorroient dire qu'il se leisseroit contenter d'argent ^ il n'est pas ainsi; car il ayme mieulx vostre service que ce que luy donnissiez ung million d'or. € Sur laquelle requeste, mon très redoubté seigneur requière avoir responce de vous, qui soit bonne et à demain. >

Lors parla mon très redoubté seigneur, de sa bouche, ces motz : t Mes bonnes gens, ce que le sou- € verain vous a dit est tout vray ; et vous prie que me

1. Cette phrase se lit ainsi dans B. : « Et ponr che qae personne a de prince, et avecque che, de pour ceste catise travailler les princes ff et seigneurs de aulcuns pourroient dire que ii se leisseroit conff tenter d'argent, ii n*est pas ainsi. » Gonunent, lorsque c'est notre ms. qui a fourni au marquis Le Ver le texte qu'il a communiqué à Buchon, y trouve-t-on l'addition, d'ailleurs si embrouillée, qui commence la phrase en question; et d'où cette addition a-t-elle été tirée, si elle n'a pas été inventée, puisqu'on ne connaissait, au temps des relations de Buchon avec le marquis Le Ver, que deux mss. des chroniques deS.-R.; c'est-à-dire le nôtre et celui du fonds Golbert? On a déjà pu remarquer, dans nos annotations précédentes sur le discours du souverain bailli de Flandres, bien des singularités du texte de B.; mais, sans contredit, celle-ci les dépasse toutes.

c aidiés à coDcquerre mon héritaige, et vous me ferez c le plus grant plaisir et service que jamais me pourriez c faire; et le recongnoistreray toutte ma vie. >

L'endemain matin, ix® jour dudit mois de mars, vint le duc à heure de xij heures sur la loge des foulons, où sa responce luy fut donnée par la bouche de maistre Bour de Le Helle, pensionnaire de la ville, en telle manière qu'il s'ensuit :

c Très chier seigneur et prince naturel , les trois membres de ceste ville de Gand ont estez assemblez, chascun à sa place où ilz ont acoustumé d'assembler ; et, sur ce que à la requeste qui hier leur fut faicte par la bouche de monseigneur nostre souverain bailly de Flandres, de par l'humilité de vostre princeté, sur ce sont d'un accord fermés de rendre à vostre personne de princeté ceste responce : que, par l'ayde de Dieu et de voz aultres subgectz et bien vueillans, ilz vous ayderont à conquerre vostre héritaige et patrimoine; et ad ce vous présent [ent] corps et avoir. Prians, à l'humilité de vostre princeté, que ceste responce vous soit agréable , et que vous le vueilliés avoir en vostre reconmiendacion et princeté. »