CHAPITRE CXXVIII

Du trespas de la ducesse de Bourgongne^ madame Michielle de France^ en la ville de Gand; et du trespas du roy Charles de France^ vf de ce nom, nommé le Bien Aymé^ en la ville de Paris.

En ce temps que les assembléez se firent , pour le voyage de Cône , morut en la ville de Gand madame Michielle , fille du roy et femme du duc, et seur au daulphm ; pour laquelle mort furent troublez tous ses serviteurs, et généralement ceulx de Gand et tous ceulx des pays du duc. Et, assez tost après, s'acoucha mallade en son hostel de Sainfr-Pol à Paris, le roy; et, le xxj** jour d'octobre, rendit son esprit à Dieu, et furent à son trespas tant seulement son chancellier, son premier chambellan, son confesseur et aulmosnier, avec aucuns de ses officiers et serviteurs en petit nombre. Puis fut son corps apporté à Saint-Denis ; (et n'y avoit, lors, nulz princes de son sang, excepté le duc de Bethfort, frère au roy d'Angleterre deffîinct,) et mis en sépulture avec les aultres roy s, ses prédécesseurs. Après lequel entérement et service acompli , s'en retournèrent à Paris tous ceulx qui acompaigné l'avoient.

1. M. et Ghastellain marquent le xxij; mais ils se redressent eux-mômes en ajoutant que ce jour était celui de la fôte « des onze c mille vierges ». J. des Ursins dit c le vingt ».