CHAPITRE CXXIX
Comment le duc de Bethfart fut régent du royaulme de France^ pour son nepveUj le roy Henry d'Angleterre, vj* de ce nom.
En oultre, le duc de Bethfort, seul et pour le tout, demoura régent et gouverneur du royaulme de France, pour et ou nom de son nepveu le roy Henry le josne, quant ad ce qui estoit en son obéyssance. Ainsi, conrmie vous advez ouy, fina ses jours ce très noble roy, Gliarles, le xlij* an de son règne ; lequel, [le] plus grant partie de son temps, ot de moult grandes tribulacions à sousftîr, à cause des tribulacions et divisions qui lors estoient et avoient esté en son royaulme par les prochains de son sang , et , par espéciai , par une maladie que on disoit qu'il prist en la ville du Mans, laquelle luy dura la plus part de son vivant. Dont ce fiit dommage, car il fut si bon prince que à tousjours sera nommé Charles le Bien Amé ; et plus de luy, en cestui livre, ne sera parlé. Dieu en ayt Tame! Amen.
Et pareillement, en cestui livre, finent les grans faiz et concquestes que fist en son temps le roy Henry d'Angleterre, v^ de ce nom, depuis le trespas du roy Henry, son père, qui piteusement fist morir le roy Richart, son cousin, et prist et usurpa son royaulme d'Angleterre, et s'en fist couronner roy avant la mort d'icelluy roy Richart, non obstant qu'il eust esté roy, xxij ans.
Le jour Saint-Martin d'iver, l'an dessusdit, iceulx
[142S] SEIGNBUR DE SAUfT-REMY. 71
de la ville et chastel de Reu se rendirent à messire Jacques de Harcourt, lequel y fist venir ung nombre de gens d'armes de la garnison de Guise ; et se contindrent illec sans pillier, ne rober, pour causes des trêves qui estoient lors entre les deux parties, jusques à l'endemain de la feste Saint-Andrieu. Lesquelles trêves passées, la guerre se renouvella si cruelle et si terrible que nulz ne sauroit dire les maulx et les dommages qui en advindrent par tout le pays. Pourquoy, ceulx du grant conseil de France, et ceulx de Paris, envoyèrent ambassades notables devers la royne d'Angleterre pour avoir ayde et secours, pour résister aux entreprinses des Daulf^inois; et, lors, leur fut promis envoyer secours d'Angleterre.
