CHAPITRE CLXl

De r ambassade que le duc de Bourgaingne envoya en Portingalj pour avoir madame Ysabel^ la fille du roy, en mariage.

En Tan mil iiij® xxviij, dont devant est faicte mencion, le duc envoya son ambassade devers le roy de Portingal, pour avoir en mariage madame Ysabel, sa fille, dont cy après sera parlé en maintes manières. Car, en son temps, elle fut bonne, saige et plaine de belles vertus. Iceulx ambassadeurs furent le seigneur de Roubaix, Aodrieu de Tholojon, Bauduin d'Oignies et aultres. Or est vray que quant iceulx ambassadeurs furent arivez devers le roy de Portingal, pour aucunes difficultez qui se trouvèrent touchant le mariage du duc, il leur failly renvoyer en Flandres devers le duc, où il estoit, et où y a bien grant voyage, soit par mer ou par terre. Et, pendant le temps que iceulx ambassadeurs renvoièrent devers le duc, le roy de Portingal maria son filz aisné, nommé Edouart, à la seur du

roy Âlphons d'Arragon. Auquel mariage se fist une grande feste et solempnité dont ung peu sera cy faicte mencion.