Elle s'appelait Albérie

DE VILLE-H A RDOIN. 17

Champaine qui croisié estaient ; et quant il lor conta les novelles cornent il avoient esploité , en firent njult grant joye, et mult prisierent l'affaire; et li distrent : « Nos somes jà meu; et quant vos « viendroiz, vos nos troveroiz toz prest. » Mès les aventures aviennent ensi cora Dieu plaist, ne n'orent nul pooir que plus assemblassent en l'ost. Ce fut grant domaiges, que mult estoient preu et vaillant : et ensi se partirent; si tint chascuns sa voye.

Tant chevaucha Joffroi li mareschaux par ses jornées que il vint à ïroyes en Champaigne, et trova son seignor le conte Thibaut malades et desaithiés; et si fut mult liez de sa venue. Et quant cil li ot contée la novele comment il avoient esploitié, si fu si liez qu'il dist qu'il chevaucheroit, ce qu'il n'avoit pieça fait ; et leva sus et chevaucha ; et laz ! com grant domagesî car onques puis ne chevaucha que cele foiz! Sa maladie crût et efforça tant que il fist sa devise et son lais; et départi son avoir que il devoit porter à ses homes et à ses compaignons dont il avoit mult de bons, et nus hom à cel jor n'en avoit plus : et si commanda, si com chascnn recevroit son avoir, que il jureroit sor Sains, l'ost de Venise à tenir, ensi corne il l'avoit promis. Mult y ot de cels qui malvaisement le tindrent, et mult en furent blasmés. Une autre partie commanda li cuens de son avoir à retenir et por porter en l'ost, et por départir là où en verroit que il seroit employé. Ensi morut li cuens; et fut l'un des homes del munde qui feist plus belle fin. Enki ot mult grant pueple assemblé de son lignage et de ses

Chîioniq., t. III. — Vxtx.-Hari). 2

homes. DeUduel ne convient mie à parler qui il-* luec fu faiz,9que onques plus grant ne fu faiz por home ; et il le dut bien estre , car onques home de son aage ne fut plus amés de ses homes ne de l'autre gent. Enterré fu de-lès son pere au mostier de monseignor Saint Estiene à Troyes. La contesse remest, sa femme, qui Blanche avoit nom % mult belle, mult bone, qui ère file le roi de Navarre, qui avoit de lui une filiete et ère grosse d'un filz 2.

Quant li cuens fut enterré, Mahieu de Mommorenci, Symon de Montfort, Joffroy de Juhenville qui ère seneschaus et Joffroi li mareschaux alerent ai duc Oedon de Bourgoigne 3, et si li distrent : « Sire, vostre cousin est mort; tu voiz le domage « que à la terre d'outremer est avenus. Por Dieu « te volons proier que tu preigne la croiz et secor « la terre d'outremer en leu cestui ; et nos te fe- « rons tôt son avoir baillier, et te jurerons sor Sains, « et le te ferons aus autres jurer, que nos te service rons à bone foi, alsiscom nosfaisissienslui 4». Telx fut sa volenté qu'il refusa. Sachiez que il peust bien mielz faire. Joffroi de Joinville cargierent li message que aitre tel offre feist au conte Bar-le-Duc

i. Blanche était fille de Sanche, surnommé le Sage, roi de Navarre.

i. Thibaut VI , surnommé le Posthume , qui succéda au roi Sanche dans le royaume de Navarre.

3. Eudes IV, duc de Bourgogne, fils de Hugues III et d'Alix de Lorraine.

[{. Thibaut Ier du nom, fils de Renaud II.

DË VILLE-HARDOIN. ig

Thibaut, qui ère cousins al conte qui mort estoit; et refusa le autresi. Mult fu granz desconforz as pèlerins et à tos cels qui dévoient aler el service Dieu, de la mort le conte Thibaut de Champaigne; et pristrent un parlement al chief del mois à Soissons, por savoir que il porroient faire. Enqui furent li cuens Balduin de Flandres et de Hennaut, et li cuens Loeys de Blois et de Chartein, li cuens Joffroi del Perche, li cuens Hue de Saint-Pol, et maint autre preud'ome. Joffroi li mareschaus lor mostra la parole et l'offre que il avoient faite le duc de Bourgoigne et le conte de Bar-le-Duc, et comment il avoient refusé. « Seignors, fait-il, escoltez; « je vos lorroie une chose , si vos y accordez. Li « marchis Bonifaces de Mont-ferrat 1 est mult prod'- « om et un des plus proisié que hui cest jor vive. « Se vos li mandiez que il venist ça et prist le signe « de la croiz, et se meist el leu le conte de Cham- « paigne, et li donisiez la seigneurie de l'ost, assez « tost la prendroit. » Assez y ot paroles dites avant et arrière; mais la fin de la parole fu telx que tuit se accordèrent, li grant et li petit; et furent les lettres escrites et li messaige eslit, et fu envoyé querre;et il vint, al jor que il li orent mis, par Champaigne et parmi France, où il fut mult honorez, et par le roi de France, cul cousin il ère.

Ensi vint à un parlement à Soissons qui només fu; et illuec fu grant foison des contes et des ba-

i. Bonifacell, marquis de Montferrat, fils de Guillaume III et de Julie d'Autriche, sœur utérine de l'empereur Conrad.

lO CHRONIQUE

rons et des croisiez. Corn il oïrent que li marchis venoit,si alerent encontre lui; si l'honorèrent mult. Al matin si fu le parlemens en un vergier, à l'abbaïe madame Sainte Marie de Soissons1. En qui requistrent le marchis que il avoient mandé, et li prient por Dieu que il preigne la croiz, et reçoive la seigneurie de l'ost, et soit el leu le conte Thibaut de Champaigne, et pregne son avoir et ses homes; et l'en chaïrent as piez mult plorant; et il lor rechiet as piez, et dit que il le fera mult volentiers. Ensi fist li marchis lor proière et receut la seignorie de l'ost. Maintenant li evesque de Soissons2 et messire Folques li bon hom, et dui blanc abbé3 que il a voi t amené de son pais, l'emmainent à l'esglise Nostre-Dame et li attachent la croiz à l'espaule. Ensi fina cis parlement. En lendemain si prist congié por r'aler en son païs et por atorner son affaire; et dist que chascun atornast la suen, que il seroit contre als en Venise.

Ensi s'en alla li marchis al capitre à Cistials, qui est à la Sainte Crois en septembre4. Enqui trova mult grant plenté de abbé et des barons et des autres genz, et messire Folques y alla por parler des crois. Enqui se croisa Oedes li Champenois de

1. Fondée par Ebroin, maire du palais, à la sollicitation de sa femme.