Village à quatre lieues d'Amiens, sur la route de Paris

VE VILLE-IIARJKUN. I I y

ot de cels del conseil de l'empereor, qui avoient aidie la mellée à faire, qui tindrent à grant oltrage le mandement que cil de Constantinople li avoient fait, et li distrent : « Sire , vos oez que il vos mana dent, que il ne soffriroient mie que vos vos vengiez « de vostre anemi. Il est avis à lor paroles que , se « vos ne faisiez ce qu'il vos mandent , que il sert roient encontre vos. » Assez i ot grosses paroles dites; mais la fins del conseil si fu tels, que l'empereor ne voloit mie perdre le duc de Venise , ne le conte Loeis , ne les autres qui erent dedenz Constantinople ; et respondi al message. « Je n'asseurerai « mie que je me mette sor als, mais je m'en irai en « Constantinople sans forfaire al marchis noient. » Ensi s'en vint l'empereor Baudoins en Constantinople; et li baron et li autres genz alèrent encontre lui , et le reçurent à grant honor corne lor seignor.

Dedenz lo quar jor, conut l'empereor clerement que il avoit esté mal conseillez de mesler soi al marchis; et lors parlèrent à lui le duc de Venise, et li cuens Loeis, et distrent : « Sire, nos vos volons proier « que vos vos metez sor nos, alsi com li marchis s'y est « mis. » Et l'empereor dist qu'il le feroit mult volentiers. Et lors furent eslit li messages qui iroient por le marchis, et le conduiroient. De ces messaiges fu li uns Gervaise del Chastel, et Reniers de Trit li autres; et Joffrois li mareschaus de Champaigne li tierz : et li duc de Venise y envoia deux des suens. Ensi chevauchierent li message par lor jornées, tant que il vindrent al Dimot; et trovèrent li marchis et î'erapereris sa famé à grant plenté de bone gent; et li

distrent si corn il festoient venus querre. Lors li requist Joffrois li maréchaux, si com il li avoit asseuré, que il venist en Constantinople por tenir la pais, tel cum le deviseront cil sor cui ils'ert mis; et il le conduiroient salvement, et tuit cil qui avec lui iroient.

Conseil prist li marchis à ses homes. Si i ot de cels qui li otroierent que il y alast : et de cels qui li loerent qu'il n'y alast mie. Mais la fin del conseil si fu tels, qu'il ala avec als en Constantinople, et mena bien cent chevaliers avec lui; et chevauchierent tant par lor jornées , que il vindrent en Constantinople. Mult fu volentiers veuz en la vile ; et alerent encontre lui li cuens Loeys de Blois et de Chartein, et li dux de Venise , et mult d'autre bone gent, dequi il ère mult amez en l'ost. Et lors s'assemblèrent à un parlement; et la convenance fu retraite de Tempe reor Baudoin, et del marchis Boniface; et li fu Salenique rendue, et la terre, en tel manière, que il meist en la main Joffroi li mareschaus de Champaigne le Dimot, dont il ère saisiz, et cil li créanta que il le garderoit en sa main, trosque adonc que il aroit créant messages, ou ses le très pendanz, que il ert saisiz de Salenike ; et adonc le rendroit àl'empereor et à son comandement. Et ensi fu fait la pais de l'empereor et del marchis com vos avez oï. Et mult en orent grant joie par l'ost, que ce ert la chose dont grant domages pooit avenir.

Lors prist li marchis congié , et s'en ala vers Salenique à totes ses genz, et à totes sa famé. Et avec lui chevauchierent li message l'empereor. Et si com il venoit de chastel en chastel , si li furent rendus de

DE VJLLF -H A11DOIN. | i (j

par l'empereor, et la seigneurie tote; et vint à Salenique. Cils qui la gardoient la rendirent de par lempereor. Et li chevetaines, qui ère apelez Reniers de Mons, si fu mors, qui mult ère prodom ; dont grant domages fu de sa mort.

Lors se commença la terre et li pais à rendre al marchis; et grant partie à venir à son comandement, fors uns Griex, hait liom, qui ère apelez Léo Sgur1. Et cil ne volt mie venir à son comandement; que il ère saisiz de Corinthe et de Naples2, deux citez qui sor mer sient, des plus fors desos ciel. Et cil ne volt mie venir à la merci del marchis; ainz le comença à guerroier, et granz pars des Grieux se tindrent à lui. Et uns autres Grieux, qui ère apelez Michalis3, et ère venuzavec le marchis de Constantinople, et cuidoit mult bien de lui .-mais il se départi de lui, qu'il n'en sot mot. Et s'en aia à une cité que on apeloit Larche*, et prist la fille à un

rt Léon Sgure, natif de Napoli de Remanie, dont il avait usurpé la souveraineté. Nicétas dit que l'empereur Alexis lui fit épouser sa fille Eudoxie après la mort de Murtzuphle.