IloXixva, dans la province de l'Hcllcspont

2. ÂTPap.trTt0v, évèdié de la province d'Hellespont, dépendant du métropolitain d'Éphèse.

madi devant mi-quaresme,vint Constantins Liascres à sa grant ost devant Landremite. Et Henris, corn il sot sa venue, si prist conseil, et dist que il ne se lairoit jà laienz enfermer. Ains dist que il istroit fors : et cil vint à tote s'ost , et à granz batailles à pié et à cheval; et cil s'en issirent, et comencent la bataille ; et y ot grant estor et grant niellée. Mais, par l'aie de Dieu, les venquirent li Franc et desconfirent ; et en ot mult de morz et de pris et de navrez ; et mult fut granz la gaienz. Et lors mult furent à aise et mult riche, que les genz del pais se tornerent à aûs, et comencierent à aporter lor rentes.

Or vos lairons de cels de Constantinople , et revendrons al marchis Bonifaces de Monferrat qui ert vers Salenique , et s'en fu alez sor Léo Sgur qui tenoit Naples et Corinthe , deux des plus fort citez dou monde. Si les assieja ambedeus ensemble. Jaques d'Avesnes remest devant Corinthe, et autre bone gent assez, et li autre alerent devant Naples * si l'asistrent. Lors avint une aventure el païs , que Joffrois de Ville-Hardoin 1 , qui ère niers Joffrois li mareschaus de Romenie et de Champaigne, fil son frère , fu meuz de la terre de Surie , avec celui passage qui ère venuz en Constantinople. Si l'enmena venz et aventure au port de Monçon a : et enqui

ï. C'est celui qui devint prince de Morée. Voyez la Chronique de Morèée, t. iv de cette collection.

2. Modon, ville de Messénie, dans le Péloponèse, appelée d'abord Pedasos, puis Methone. Bajazet la prit sur les Vénitiens l'an i5oo.

fu sa nef empirie, et por estovoir li convint sejorner l'iver el pais. Et uns Griex 1 , qui mult ère sire del pais, le sot; si vint à lui, et li fist mult grant honor, et li dist : « Biax sire, li Franc ont conquis « Constantinople, et fait empereor un des lor. Se tu « te voloies à moi aconpaignier, je te porteroie mult « bone foi, et conqueriens assez de ceste terre. » Ensi se jurèrent ensemble ; et conquistrent ensemble grant part de la terre : et trova Joffrois de Vilie- Hardoin en ce Grieu mult bone foi. Ensi com les aventures vienent si cum Diex volt , si prist al Grieu maladie; si fina et mori. Et li fil al Grieu se révéla contre Joffroi de Ville-Hardoin , et le trait : et se tornerent li chastei qu'il avoit garniz contre lui; et il oit dire que li marchis séoit devant Naples. A tant de genz com il pot avoir , si s'en va contre lui; et chevauchent par mult grant péril bien six jornées parmi la terre; et vint à l'ost, où il fu mult volentiers veuz : et fu mult honorez del marchis et des autres qui i estoient : et il ère bien droiz, quar il ère mult preuz, et mult vaillans et bons chevaliers.

Li marchis li volt assez doner terre , et assez d'avoir por ce qu'il remansist avec lui. Il n'en volt point prendre; ainz parla à Guillielme de Chanlite % qui mult ère ses amis, et li dist : « Sire, je viens d'une