Drama, évêché dépendant de Pbilippes. 1. 4 février

de Blaquie et de Hongrie. Si li manda que totes les gens l'empereor Henri estoient devers lui , qui le guerréoient d'autre part del Bras devers la Turchie , et que l'empereres ère en Constantinople à pou de gent , et or se porroit vengier ; que il seroit d'une part , et il venist d'autre, et que l'empereres avoit si pou de gent que il ne se poroit d'aus deus défendre. Johannis ère porchaciez de grant host de Comains qui venoient à lui, et pourchaça de Blas et de Bougres, si grant com il onques pot. Et del tens fu jà tant passé que li quaresmes entra. Machaire de Sainte Manehalt avoit commencié à fermer nn chastel al Carates 1 , qui siet sor un goffre de mer à six lieues de Nichomie, devers Constantinople. Et Guillielmes des Sains en commença un autres à fermer, li Chivetot, qui siet sor le goffre de Nichomie d'autre part, devers Nike. Et sachiez que mult ot afaires l'empereres Henris endroit Constantinople, et li baron qui èrent el pais. Et bien tesmoigne Joffrois de Ville-Hardoin , li mareschaus de Roménie et de Champaigne , que onc en nul termine ne furent gent si chargié de guerre, porce que il estoient espars en tant de leus.

Lors issi Johannis à totes ses hoz , et à grant ost de Cumains, qui venu li èrent, et entra en la Roménie; et corurent li Commain trosque as portes de Constantinople; et il assist Andrenople, et i dreça trente trois perrières granz , qui getoient as

i • Xâpa;, sur le jjolfe de Nicomédie.

murs et as tors. Et deelenz Andrenople n'avoit se les Grex non, et Pierron de Radingheam , qui de par l'empereor y ère à tôt dix chevaliers. Et lors mandèrent li Grieu et li Latin ensemble l'empereor Henri que ensi les avoit Johannis assis, et que il les secourust. Mult fu destroiz l'empereor quant il pï que ses genz estoient départies d'oltre le Bras en tant de leus,et estoient en chascun lieu si chargié de guerre qu'il ne pooient plus; et l'empereor ère en Constantinople à pou de gent; et fu tels ses conseils, qu'il emprist à issir de Constantinople à tant de gent com il porroit avoir à la quinzaine de Pasque. Et manda en Equise 1 , où li plus de sa gent ère, que il s'en venissent à lui. Et il s'en commencièrent à venir par mer, Eustaices le frère l'empereor Henri, et Ansials de Raeu, et de lor gent le plus. Dont remest Pierres de Braiecuel et Paiens d'Orléans à poi de gent en Equise.

Quant Toldres Liascres 01 la novelle que Andrenople ère assise , et que l'empereres Henris por estovoir mandoitj ses gens , et que il ne savoit auquel corre , ou deçà , ou delà , si ère chargiez de la guerre, lors si manda plus esforciement quanque il pot de gent : et fist tendre ses très et ses paveillons devant les portes d'Equise; et i ot assemblé maintes fois , perdu et gaaignié. Et quant Toldres Liascres vit que il avoient pou de genz laienz, si prist une grant partie de s'ost, et de vais-