Diaschili, sur la mer de la Propontidc

DE VILLF.-fl A.R DOIN. î 8 f

sials ce que il en pot avoir par mer; si. les envoia al chastel de Chivetot que Guillelmes de Sainz fermoit: si l'asistrent par mer et par terre, le samedi de mi-quaresme *. Laienz avoit quarante chevaliers de mult bone gent , et Machaires de Sainte Manehalt en ère chevetaines ; et lor chastials estoit encor pou fermez, si que cil pooient avenir à els as espées et as lances : et les assaillirent par mer et par terre mult durement ; et cil assaus dura le semadi tote jor, et cil se défendirent mult bien. Et bien tesmoigne li livres, que onques à plus grant meschief ne se deffendirent quarante chevaliers à tant de gent; et bien i parut que il n'y en ot mie cinq qui ne fuissent navré de toz les chevaliers qui y estoient, et si en y ot un mort qui niers ère Milon de Braibant , qui avoit nom Giles.

Ençois que cil assaut commençast le semadi matin, s'en vint un mes bâtant en Constantinople ; et trouva l'empereres Henri el palais de Blaquerne , séant al mengier, et li dist:«Sire, sachiez que cil « del Chivetot sont assis par mer et par terre , et « se vos ne les secorez hastivement, il sont pris « et morz. »

Avec l'empereres ère Coènes de Bétune, et Joffrois li mareschaus de Champaigne, et Miles de Braibanz, et pou de gens, et pristrent conseil. Et li conseils si fu cors que l'empereres s'en vient al rivage, et s'en entre en un chalan , et chascun en

i. 3i mars 1207.

1 8î2 CHRONIQUE

tel vaisel com il pot avoir. Et lors fait crier par tote la vile , que il le sievent à tel besoing com por secorre ses homes; que il les a perduz se il ne les secort. Lors veissiez la cité de Constantinople mult estormir des Venisiens et des Pisans , et d'autres genz qui de mer savoient ; et corent as vaissiaus , qui ainz ainz, qui mielz mielz. Avec als entroient li chevalier à tote lor armes; et qui ançois pooit, ançois se partoit del port pour suivre l'empereor. Ensi alèrent à force de rames tote la vesprée, tant com jor lor dura, et tote la nuit trosque lendemain al jor. Et quant vint à une pièce après le soleil levant, si ot tant esploitié l'empereres Henris , que il vit li Chivetot et l'ost qui ère entor et par mer et par terre ; et cil dedenz n'orent mie dormi la nuit , ainz se furent tote nuit hordé, si malade et si navré com il estoient, et com cil qui n'atendoient se la mort non. Et quant l'empereres vit que il estoient si près que il voloient assaillir, et il n'avoit encor de sa gent se pou non ; car avec lui n'ere fors que Joffroi le mareschal en un autre vaissel, et Miles de Braibanz , et Pisan , et autre chevalier ; si que tant que il avoient, entre grans et petit de vaisials, dix sept , et cil en avoient bien soixante; et virent que se il atendoient lor genz et soffroient que cil assaillissent cels de Chivetot, que il seroient mors ou pris. Si fu tels lor conseils, que il iroient combatre à cels de la mer; et voguèrent cele part tuit d'un front, et furent tuit armé as vaissials, les hialmes laciez. Et quant cil les virent venir qui estoient jà apareillié d'assaillir, si conurent bien que ce ère

DE VILLK-HARDOIN. I 83

secors; si se partirent del chastel et vindrent encontre aïs; et tote lor ost se loja sor le rivage, de grant genz que il avoient à pié et à cheval. Et quant il virent que l'empereor et la soe gent venroient totes voies sor als, si reculèrent sor lor gent qui estoient sor le rivage , si que cil lor pooient aidier de traire et de lancier. Ensi les tint l'empereres assis à ses dix sept vaissiaus, tant que li criz vint de cils qui le suivoient et erent meuz de Constantinopie : et ainçois que la nuit venist , en y ot tant venu que il orent la force en la mer par tôt. Et furent tote nuit armé et aancrez lor vaissiaus. Et fu lor conseils telx, que si tost com il verroient le jor, que il s'iroient combatre à els el rivage por lor tollir lor vaissials. Et quant vint endroit la mie-nuit, si traistrent li Grieu toz lor vaissials à terre; si notèrent le feu dedenz, et les ardrent toz, et se deslogièrent, et s'en alèrent fuiant.

L'empereres Henri et sa gent furent mult lie de la victoire que Diex lor ot donée, et de ce que il orent secouru lor gent. Et quant vint al matin, l'empereres ettuit li autres s'en vont al chastel del Chivetot, et trovèrent lor genz mult malades et mult navrés les plusors. Et le chastel esgarda l'empereres et sa gens, et virent que il ère si fèbles que il ne faisoit à tenir. Si recuii lièrent toz lor genz es vaissials, et guerpirent li chastel, et laissièrent. Ensi repaira li empereres Henris en Constantinople.

Johannis, li roi de Blaquie, ne reposa mie, que il avoit Andrinople assise; ainz gîtèrent ses per-

rières dont il avoit grant plenté, et par jour et par nuit, as murs et au tors, et empirièrent mult les murs et les tors, et mist ses trancheors as murs, et firent maintes fois assaillies ; et mult se contindrent bien cil qui dedenz estoient, li Grieu et li Latin; et mandèrent mult sovent Fempereor Henri que il les secorust , et seust que se il ne les secoroit, que il estoient perdu sans nule fin. Et l'empereres ère mult destroiz, que quant il voloit ses gens secorre d'une part, Toldres Liascre li tenoit si destroiz d'autre part, si que par estovoir le convenoit à retorner. Et issi fu Johannis le mois d'avril devant Andrenople, et l'aprocha si de prendre qu'il aprocha et abati des murs et des tors en deux leux trosque en terre, et si que il pooient venir main à main as aspées et as lances à cil de dedenz. Ensinques y fist de mult granz assaus : et cil se deffendirent bien : et y ot mult de mors et de navrez d'une part et d'autre. Ensi com Diex veult les aventures avenir, li Comain qu'il ot envoyé par la terre orent gaaingné, et furent revenu à l'ost à Andrenople, à toz lor gaainz; et distrent que il ne remanroient plus à Johannis, ainz s'en voloient aller en lor terre. Issi se partirent li Comain de Johannis. Et com il vit ce, si n'osa remanoir sanz als devant Andrenople. Ensi s'en parti de devant la ville, et la guerpi. Et sachiez que on le tint à grant miracle, de ville qui ère aprochie de prandre com ère ceste, que il le laissa, qui hom si poeteis ère. Ensi com Diex vielt les choses, si les convient avenir. Cil d'Andrenople ne tardèrent mie

DE V1LLE-HARDOJ1V. I 85

de mander l'empereor que il venist tost por Dieu , et seust de voir que se Johannis le roi de Blaquie retornoit, que il estaient mors ou pris.

L'empereres, à tant de gent com il avoir, fu atornez d'aler à Andrenople : et lors li vint une novele qui mult fu grief, que Esturions, qui ère amirals des galies Toldres Liascre , ère entrez à dix sept galies en Boque d'Avie, el braz Saint George, et fu venu en Equise où Pierre de Braiecuel estoit, et Paiens d'Orliens, et les assist par devers mer, et Liascres par devers terre. Et la genz de la terre d'Equise fu révélé contre Peron de Braiecuel , et cil de Marmora, qui suens estoient et li orent fait grant domages, et mors de ses homes assez. Et quant ceste novelle vint en Constantinople, si furent mult effréé.

Lors prist conseil l'empereres Henris à ses homes, et à ses barons , et as Veniciens ensemble , et distrent que se il ne secoroient Perron de Braiecuel , et Paiens d'Orlians, que il estoient mort, et que il avoient la terre perdue. Si armèrent mult isnellement quatorze galies, et les garnirent des plus haltes gens des Veniciens et de tôt les barons l'empereor. En une entra Coenes de Bétune et sa gent; en l'autre Joffrois de Ville-Hardoin li mareschaus et la soe gent ; en la tierce Machaire de Sainte Manehalt et la soe gent ; en la quarte Miles de Braibans ; en la quinte Ansials de Kaeu ; en la sixte Tierris de Los qui ère séneschaus ; en la septisme Guillelme de Perchoi : et en la huitisme Eusthaices le frère l'empereor. Et eus,

l86 CHRONIQUE

rnist par totes les galies sa meillor gent l'empereres Henris. Quant eles partirent del port de Constantinople , bien distrent totes les gens qui les virent, que onques mais galies ne furent miels armés ne de meillor gens. Et ensi fu respoitiez li aller à Andrenople à cele foiz. Et cil des galies s'en alèrent contre val le Bras vers Equise droit. Ne sçay comment Esturions le sot, li ammiraus des galies de Toldres Liascres : si s'en parti d'Equise, et s'en ala, et s'en fui contreval le Bras, et cil le chacièrent deus jors et deus nuiz trosque fors de boque d'Avie, bien quarante miles. Et quant il virent que il ne porroient ateindre, si tornèrent arrière, et revindrent en Equise, et trovèrent Perron de Braiecuel et Paiens d'Orlians, et que Toldres Liacres se fu deslogiez de devant, et fu repairiez arrière en sa terre. Ensi fu Equise rescosse com vos oez; et cil des galies s'en retornèrent arrières en Constantinople, et ratornèrent lor oirre vers Andrenople.

Toldres Liascres envoia le plus de sa gent à tote sa force en la terre de Nichomie. Et la gent Tierris de Los , qui avoient envoyé fermer le mostier Sainte Sophie, et cil qui estoient dedenz, mandèrent à lor seigneur l'empereor que il les secorust; que se il n'a voient secors, il ne se porroient tenir , et en sor que tôt , si n'avoient point de viande. Par fine destrèce convint l'empereor Henri et sa gent que il laissast la voie d'aler à Andrenople, et que il passast le braz Sain George devers la Turquie à tant de gent com il pot avoir por secorre Nichomie. Et

DE VILLE-1IARDOIN. 1 87

quant la gent Toldre Liascres l'oïrent que il venoit, si revuidèrent la terre. Si se traistrent arrière vers Nike-la-Grant. Et quant l'empereres le sot , si prist son conseil. Et fu li conseil telx, que Tierris de Los, li séneschaus de Roménie, remanroit à Nichomie à toz ses chevaliers et à toz ses sergens por garder la terre, et Machaires de Saint Manehalt al Caracas , et Guillelme del Perchoi en Esquise , et cil deffendroient la terre endroit als.

Lors s'en rala l'empereres Henri en Constantinople al remaniant de sa gent, et ot empris de rechief d'aler movoir por raller vers Andrenople. Et endementiers qu'il atorna son oirre , Tierris de Los, le séneschaus, qui ère à Nichomie, et Guillielme del Perchoi à totes lor gens, alèrent forer un jor; et la gent Toldre Liascres le sorent, si les sorpristrent et lor corurent sus. Si furent mult grant gent, et cil furent pou. Si commença li estors et la mellée. Ne demora mie longuement , que li pou ne porent endurer le trop. Mult le flst bien Tierris de Los et sa gent; et fu abatus deux fois; et par force le remontèrent sa gent. Et Guillelmes del Perchoi fu abatuz et remontez , et fu rescous. Ne porent cele foie soffrir, si furent desconfiz li Franc. Là fu pris Thierri de Los et navrez parmi le vis en aventure de mort; là fu pris le plus de soe gent avec lui, que pou en eschapa; et Guillelmes del Perchoi en eschapa sur un roucin, navrez en la main. Et ensi se recueillirent el mostier Sainte-Sophie cil qui eschapèrent de cel mode de la desconfiture.

i88 CHRONIQUE

Cil qui ceste histoire traita , ne seut s'il fu à torz ou à droit, mais il en oï un chevalier blasmer, qui avoit à nom Ansols de Remi , qui ère hom lige ïierri de Los , le séneschal et chevetaine de sa gent, et le guerpi. Et lors pristrent un message cil qui furent à Nichomie au mostier Sainte-Sophie retorné, Guillelmes del Perchoi et Ansols de Rémi; et l'en envoièrent bâtant en Constantinople à l'empereor Henri; et li mandèrent qu'ensi ère avenu, que pris ère le séneschaus et sa gent, et il estoient assis au mostier Sainte Sophie à Nichomie , Et n'avoient mie viande à plus de cinq jors ; et seust de voir, que se il ne secoroit, que il estoient mors et pris.

L'empereres, ensi com au cri, passe le Rras Saint George, il et sa gent, qui ainz ainz, qui miels miels , porsecorre cels de Nichomie. Et ensi fu rescousse la voie d'Andrenople à cele fois. Et quant l'empe» reor ot passé le bras Saint George , si ordena ses batailles, et chevaucha par ses jornées tant que il vint à Nichomie. Quant la gent Toldres Liascres et si frère 1 l'oïrent qui tenoientl'ost, si se traistrent ariere, et passèrent la montagne d'autre part devers Nike. Et l'empereres se loja d'autre part Nichomie , en une mult bele praeirie , sor un flum par devers la montaigne : et fist tendre ses très et ses paveillons; et fist corre sa gent par le païs, quar il se révélèrent quant Tierris de Los, le séneschaus de Roménie, ère pris, et pristrent proies assez et prisons.

Ensi séjorna l'empereor Henris par cinq jors en

i. Constantin Lascaris.

la praerie. Et dedens cel sejor, Toldres Liascres prist ses messages; si les envoia à lui; et si le requist qu'il prendroit triève à deux ans, par tel convent que il îi laisast abatre Equise, et la forteresse del mostier Sainte Sophie, et il li rendroit toz ses prisons, qui avoient esté pris à cele desconfiture et als autres leus, dont il avoit assez en sa terre.

Or prist l'empereres conseil à ses homes; et distrent, que il ne pooient les deux guerres soffrir ensemble, et que miels valoit cil domaiges à soffrir que la perte d'Andrenople ne de l'autre terre : et si auroient parti lor anemis, Johannis, le roi de Blaquie et de Bougrie , et Toldres Liascres , qui estoient amis , qui s'entre aidoient de la guerre. Ensi fu la chose créantée et otroiée. Et lors manda l'empereres Henris Pierron de Braiecuel en Equise; et il vint, et fist tant l'empereres Henris vers lui, que il délivra Equise à Toldres Liascres por abatre, et le mostier de Nichomie. Ensi fu ceste triève asseurée , et ces forteresces abatues. Tierris de Los fu délivrés, et les autres prisons tuit.

Lors s'en repaira l'empereres Henris en Constantinople, et emprist à aler vers Andrenople à tant corn il porroit de gent avoir, et assembla s'ost à Salembrie; et fu jà tant del tems passé, que il fu après la feste Saint Johan eu juignet. Et chevaucha tant que il vint à Andrenople; et se herberja ès prées devant la ville. Et cil de la cité qui muit l'avoient désiré, issirent fors à procession; si le virent mult volentiers; et tuit li Grieu de la terre

furent venu. Il ne séjorna que un jor devant la vile, tant qu'il ot veu li domage que Johannis y avoit fait à ses trancheors et à ses perières, as murs et as tors, qui mult avoit la vile empirié. Et lendemain si mut, et chevaucha vers la terre Johannis, et chevaucha par quatre jors. Et al cinquiesme jor si vint al pié de la montaigne de Blaquie, 1 à une cité qui avoit nom Elin, que Johannis avoit novelement repoplée de gent. Et quant la gent de la terre virent l'ost venir, si guerpirent la cité, et fuirent ès montaignes.

L'empereres Henri se loja devant la vile, et li correor corurent parmi la terre, et gaaignèrent bues et vaches et bufles à grant plenté, et autres bestes. Et cil d'Andrenople qui avoient lors chars mené avec aus, et erent povres et diseteux de la viande, les chargièrent de froment et d'altre blé , et il trovèrent grant plenté de la viande; et les autres chars qu'il avoient gaaignié, chargièrent à mult grant plenté. Ensi sejorna l'ost par trois jors, et chascun jor aloient gaaignier li correors parmi la terre , et la terre si ère de montaignes et de fors destroiz : si i perdoient cil de l'ost de lor correors qui aloient folement.

Au darrain , envoia l'empereres Henris Ansials de Kaeu por garder les correors, Eustaices, son frère , et Tierris de Flandres, son nepveu, et Gautier de Escornai, et Johan de Bliant. Ices quatre batailles

i. Le mont Hémus, qui sépare la Thrace de la Mysie.

alèrent garder les correors; et entrèrent dedenz mult forz montaignes. Et quant lor gent orent coru par la terre, et il s'en vourent revenir, si trovèrent les destrois mult forz, et li Blac del pais se furent assemblé, et assemblèrent à aus, et lor firent mult grant domage et d'homes et de chevaus, et furent mult près d'estre desconfiz : si que par vive force convint les chevaliers descendre à pié; et par l'aide de Dieu s'en revindrent tote voie à Tost : mais grant domage orent receu. Et lendemain s'en reparti l'empereres Henris et l'ost des François ; et chevauchièrent par lor jornées arriéres, tant que il vindrent à la cité d'Andrenople, et i mistrent la garnison qu'il amenèrent de blez et d'autre viande. Et séjorna l'empereres en la praerie de fors la vile, bien quinze jors.

En cel termine Bonifaces, li marchis de Montferrat, qui ère à la Serre, que il avoit refermée, fu chevauchiez trosque à Messinople , et la terre se rendi à son commandement. Lors prist ses messages ; si les envoia à l'empereor Henri , et li manda que il parleroit à lui sor le flum qui cort sos la Capesale *; et il n'avoient mais eu pooir de parler ensemble , tros que la terre fu conquise ; que il avoit tant de lor ennemis entre als, que li uns ne pooient venir as autres. Et quant l'empereor et son conseil oï que que li marchis Boniface ère à Messinople ,

i. Cypscla , près du fleuve Marize , entre Trajanopolis et Adrianopolis.

10)2 CHRONTQUE

si en furent mult lié ; et li manda par ses messages arriers, que il iroit parler à lui al jor que il y avoit mis. Ensi s'en ala l'empereres vers cele part; et laissa Coenon de Betune por garder la terre d'Andrenople, à tôt cent chevaliers; et vindrent là où li jorz fu pris, en une mult bele praerie près de la cité de la Capesale : et vint l'empereor d'une part, et li marchis d'autre ; et s'assemblèrent à mult grant joie; ët ne fu mie merveille, que il ne s'erent mie pieça veu. Et li marchis demanda novelles de sa fille l'empereris Agnès : et on li dist que ele ère grosse d'enfant; et il en fut mult liez et joiant.

Lors devint li marchis hom de l'empereor Henri; et tint de lui sa terre, ensi com il avoit esté l'empereor Baudouin son frère. Lors donna li marchis Boniface à Geoffroi de Viîle-Hardoin, le mareschal de Roménie et de Champaigne, la cité de Messinople à totes ses appartenances, ou celi de la Serre, laquelle que il ameroit mielz : et cil en fu ses hom liges, sauve la fealté l'empereor de Constantinople. Et ensi séjornèrent par deux jorz en cele praerie à mult grant joie. Et distrent, depuis que Diex lor avoit doné que il pooient venir ensemble, que encor porroient il grever lor anemis. Et en pristrent un parlement, que il seroient à l'issue d'esté, el mois d'octobre, à tôt lor pooir en la praerie de la cité d'Andrenople , por ostoier sor le roi de Blaquie. Et ensi s'en départirent mult lié et mult haitié : li marchis s'en ala à Messinople, et l'empereres Henri vers Constantinople.

Quant li marchis fu à Messinople , ne tarda

DK VlLLF-riAHDOIJN. Îg3

mie plus de cinq jors, que il fist une chevauchie, par le conseil as Grieu de la terre, en la montaigne de Messinople plus d'une grande jornée loing. Et cum il ot esté en la terre, et vint al partir, li Bougres de la terre se furent assemblé, et virent que li marchis fu à pou de gent, et viennent dè totes pars ; si s'assemblèrent à l'arriére garde; et quant li marchis oï li cri, si sailli en un cheval toz désarmez, un glaive en sa main. Et comme il vint là ou il estoient assemblé l'arrière garde , si lor corut sus, et les chaça une grant pièce arrtière Là fu feruz d'une sajete li marchis Bonifaces de Monferrat parmi le gros del braz, desoz l'espaules, mortelement; si que il commença à espandre del sanc. Et quant sa gent virent ce, si se comencièrent àesmaier et à desconforter , et àmavaisement maintenir. Et cil qui furent entor le marchis le sostindrent, et il perdi mult del sanc. Si se comença à spasméir. Et quant ses genz virent que il n'auroient nule aïe de lui, si se comencièrent à esmaier, et le comencent à laissier. Ensi furent desconfiz par ceste mésaventure. Et cil qui remestrent avec lui , mais ce fu pou , furent morz , et li marchis de Boniface de Mont-ferrat ot la teste colpée. Et la gent de la terre envoièrent à Johannis la teste: et ce fu une des graignors joies que il eust onques.

Ha las! com dolorous domage ci ot à l'empereor Henri et à toz les Latins de la terre de Roménie, de tel homme perdre par tel mésaventure, un des meillors barons et des plus larges , et

Chroniq., t. III. — Viix.-Hari). , '\

des meillors chevaliers qui fust el remanant del monde. Et avint ceste mésaventure en l'an de l'incarnation Jésus-Christ mil deux cens et sept ans. Et ïki prent fin ceste histoire.