CHAPITRE III

LA RATAILLE DE LEMPEREUR RAUDUIN CONTRE LES RLACKS, LES COMAINS ET LES GREQS , ET COMMENT IL FUT PERDU , ET PLUSIEURS RARONS OCHIS.

Un jour eurent nos gens nouvelles que Johannis les approchoit moult et qu'il avoit tous ceulx de la terre de Blackye qui armes pooient porter et bien dix mille Comains, et grant plenté de Grégeois. Nos gens eurent conseil qu'ils n'ysteroient (sortiroient) point contre luy à bataille, car il avoit plus de vingt hommes contre ung des nostres ; ains l'attendroient devant leurs tentes; et fut ainsi convenenchiez et promis de tous.

A lendemain, vint leur contre partye hardyer autour de l'ost de nos gens; sy se leva le cry en l'ost; et quant le conte de Blois le vid approchier sy près de l'ost , il en eult grant desdaing , et dit qu'il ne souffrieroit plus la honte que ces chiens leur faisoient. Sy s'arma et yssy de l'ost, et commencha les

EN DIALECTE ROUCHY. 28c)

Comains à cachier (chasser) et les siens près de deux lieues, et manda à l'empereur Bauduin qu'il le suivist.

L'empereur alla après lui , et les Comains avoient plenté (quantité) de gens embuchiet; et quand ils eurent fait leur guet et passé , ils tournèrent contre le conte ; et commença la bataille grande et périlleuse.

L'empereur Bauduin qui venoit trouva en son chemin venir le conte Loeys de Blois abatu jus de son cheval et navrés en deux lieux ; et Jehan de la Friaise estoit descendus et faisoit le conte monter sur son cheval.

L'empereur se férit au tas de ses ennemis, et commencha la presse à desrompre; mès tant y avoit des enemis que ses gens lui prioient pour Dieu qu'il se retraisist , mais il ne veult ; ains s'abandonna contre ses ennemis. Et bien tesmoingnèrent ceulx qui eschappèrent de la bataille qu'ils ne cuidoient point que oncques chevalier fesist tant de fais d'armes, ne si grant deffense ne fist à son corps comme ils lui virent faire ; mais tant y eult des ennemis, que, par la souffrance de Nostre Seigneur, fut prins, et si navrez que merveille estoit comment il vivoit.

Le conte Loys et Estienne de le Perche y furent ochis ; levesque de Betheleen perdus ; Regnault de Montmirail, Mathieu de Walaincourt , Robert de Roussi, Johan de Friaise, Gaultier de Ville, Ferry de Erre, Jehan son frère , Bauduin de Noefville, Witase d'Anjou, Jehan son frère, et moult

Chroniq., t. HT. I C)

d'autres , qui dirent que leur deffense ne leur valoit riens , s'enfuirent vers les tentes.

Et quand Jeoffroy de Ville-Harduin en Menassier de Lille qui estoient aux tentes sceurent ceste chose, ilz yssirent à tout ce qu'ils peurent avoir de gens ; si encontrèrent les fuyans et les arrestèrent.

Les Commains , les Blaks et les Grégois qui sieuvirent la fuyance se trayrent , chevauchèrent et hardyèrent à leur bataille; et ainsi furent jusques aux vespres que chacune partye se retrayst ; et adont s'en retournèrent nos gens vers Constantinoble , et firent Henri d'Anjou , frère du comte Bauduin, bail ou gouverneur de l'empire; et eult ledit Henry plusieurs batailles et plusieurs encontres contre les Commains, les Blacks et les Grégois.

Et vint ung jour ledit Henry et ses gens devant ung chastel qu'on appeloit Castenemac pour secourre Reniers de Torsoy qui gardoit le chastel; et lui faisoient les Grecqs grant assaulx. Et quand ils furent là venus , ledit Renier en eult grant joye et leur dit entre les aultres choses que l'empereur Bauduin estoit mort, et qu'il le sçavoit de certain par ceux qui l'avoient veu mort; et estoit mors des playes qu'il eult à la bataille où il fut pris. Et quant les barons seurent ce, ils retornèrent en Constantinoble , et eslirent à empereur Henri , frère audit empereur Bauduin , et le couronnèrent comme empereur l'an de grâce mille deux cents et six, le dimanche après la my-aoust.

Et puis quand li empereur Henri fut couronne

EN DIALECTE KOUCHY. !2QÏ

il se maintint bien et grossement contre ses ennemis, et conquist grant partie de la terre de Salenicke (Salonique); il desconfit les Lombars qui voloient la terre tenir contre lui; et quant il les eust vaincus , Johannis lui fit requerre paix; et elle fut faicte, par tel si que Johannis lui donna une sienne fille. Et li empereur Henri donna trois siennes niepces, filles de sa suer, femme du comte d'Aussoire en mariage, l'une à Johannis, l'autre à Coldalastre, et la tierche à Andrieu, roi de Hongrie.

Et par ces mariages acquist-il grant paix au pays, mais il ne vesquit gaires puis ces choses, ains morut sans hoir de sa char, dont che fut domages, car moult avoit esté preud'home, vigoreux et de grant cuer. Et après cest fut empereur Pierre, comte d'Aussoire, que les barons mandèrent; et morut ce comte d'Aussoire sitost qu'il fut venu en Constantinoble , ne oncques ne fist rien de l'empire.

Et après la mort de l'empereur Pierre d'Aussoire, mandèrent les barons par leur conseil, Philippe, comte de Namur; mais il n'y veult point aller; si y envoya un sien frère qui Robert avoit nom.

Ce Robert fut fait empereur, mais ils se maintint mauvaisement; et mist les besognes de l'empire en non challoir pour une dame qu'il amoit,qui eult esté fille à ung chevallier d'Artois , qu'on appelloit Bauduin de Noefville; si la tint avoec lui comme sa femme, et sa mère estoit avec lui.

Li Franchois quant ils virent ce, furent tous esbahis ; ils eurent conseil , et entrèrent en la chambre de l'empereur et prinrent les deux fem-