Lettre du duc de Somerset à Charles VIL

Très hauU et puissant prince, je me recommande à vostre noble haultesse, à laquelle plaise savoir que naguaires ay receu vos lettres par le sire de Gaucourt et maistre Guillaume Cousinot, voz conseilliers et ambassadeurs, et bien à plain ouy tout ce qu'ilz ont voulu dire sur le contenu en icelles, touchant le fait de Saint Jame de Bevron, sur quoy, très liaull et puissant prince, j'ay communiqué par plusieurs Foiz avecques iceulx yoz ambassadeurs, ainsi que par eulx le pourrez plus à plain savoir. Et pour ce que je suy nouvellement venu pardeçà et n'ay pas encores grant congnoissance den besongnes ne

202 CHRONIQUE DE MATHIEU D'ESCOUCHY. [ikk%

mesmes des appointemens et traictiez qui nouvellement ont esté faiz^ j 'envoyé présentement Osbeme Mundeford, escuier, devers révérend père en Dieu Tevesqne de Chicestre, garde du privé seel, et sire Robert Roos, chevalier, conseilliers et ambassadeurs du Roy mon souverain seigneur, estans de présent devers vostre haultesse^ lesquelz, pour ce qu'ilz ont esté à faire lesdiz traictiez et appointemens^ ont greigneur cognoissance des matères que je ne puis avoir pour le présent. Sy vous prie qu'il vous plaise les cuir benignement, et à eulx adjouster foy et credence en tout ce qu'ilz vous diront de ma part, pour ceste foiz, touchant ladicte matère^ car par eulx et ledit Mundeford pourrez estre, à vostre noble plaisir, bien à plain informé de ce qu'il me semble estre à Taire, pour le présent, en ladicte matère; et ce qu'il sera apointié sur icelle et toutes autres choses touchans le bon entretement de trieves, je feray pour la part du Roy mondit souverain seigneur, sans quelque dissimulacion ou delay, mettre à deue execucion, priant Nostre Seigneur, très hault et puissant prince, qu'il vous ait et tiengne en sa saincte garde.

Escript à Rouen le xuu™* jour de juing.

Le duc de Somerset, lieutenant gênerai et gouverneur pour le Roy mon souverain seigneur en France

et Normandie.

Signe : Somerset.

Et plus bas : Paris.

^u dos : A très hault et puissant prince Tonde eo France du Roy mon souverain seigneur.

Reçues le xxvii' jour de juing m cccc xvliu. (Original Ms. fr. i^5(k» f. 98.)

28 juin.