Lettre du duc de Somerset à Charles VIL

Très hault et très puissant prince, très cordiale recommandacion devant mise, plaise vous savoir que, sur le fait des matères pour lesquelles avez envoyé par devers moy maistre Guillaume Cousinot et Pierre de Fontenil, escuier, voz conseilliers et ambaxadeurs en ceste partie, et èsquelles pour aucunes diferences n'a encores esté prinse conclusion, j'ay ordonné envoyer et envoyé présentement par devers vostre haultesse mes bien amez Jehan l'Enfant, docteur en loiz, président en la court du conseil de Normandie tenu à Rouen, et messire Jehan Hanneford, chevalier, en espérance que sur icelles matères, et autres touchans la bonne entretenue des présentes trêves, puisse estre trouvé bon apoinctement. Si vous prie et requier bien affectueusement que les dessusdiz TEnfant et Hanneford vous plaise benignement recevoir et oyr, et à tout ce qu'ilz vous diront et exposeront ceste foiz de par moy adjouster pleine foy et credence. Très hault et très puissant prince, se quelque chose à vous agréable et à moy possible me voulez signifier et escripre, je l'acompliray de très bon cueur, priant le benoît filz de

Dieu qu'il vous ait en sa saincte garde. Escript à Rouen le xxiii^ jour d'avril.

Vostre cousin le duc de Somerset , lieutenant gênerai et gouverneur de France et Normandie.

Signé: Somerset.

Et plus bas: J. de Drosat.

j4u dos : A très hault et très puissant prince Tonde de France du Roy mon souverain seigneur.

Apportées par maistre Jehan l*£nfant et mesaire Jehan Huinefoiti chevalier, à Razillé, le n« jour de may cccc xlix.

(Original, du Put, vol, 760, f. 183.)

3 mai.