LIVRE TROISIEME

honneur à Dieu et vacquer au seruice diuin seulement et à oraison. Mais l'ennemi nous contraignant à la bataille, ces choses ne nous sont loisibles. Vous voyez maintenant que ie porte la couronne du royaume , mais d'autant que ie suis homme comme l'un de vous, ie ne pourrois Ja porter st vous ne me supportiez. Je suis Roy, et ainsy ostant la couronne de dessus sa teste, la presenta à eux, disant : Voicy, ie veux qu'un chacun de vous soit fait Roy, comme de vray vous êtes ; car veu que le Roy est dit de gouuerner, et si n'étoit par vous , ie ne suflirois seul à gouuerner le Royaume , et quant à ceux qui sont venus pour nous contemner, se confians seulement à leurs forces , ne taschent seulement à nous captiuer, mais aussy à occuper tout le royaume de France. Or, ie sçay et estime vrayment que contre la disposition de nos aduersaires , le bienheureux St Denys, nostre Patron , digne de perpetuelle memoire, auiourd’huy auec ses glorieux compagnons interpelle et implore le Fils tres misericordieux de Dieu auec gemissemens innumerables pour nous et pour l’estat de notre royaume. Soyez donc assurez que ceiourd'huy manifestement vous voirez le secours de nostre Seigneur sur vous par les prieres de nostre dit patron. Et partant, soyez hommes courageux , et combattez contre ceste gent maudite 3 car certes auiourd'huy, nostre Seigneur les mettra tous en nos mains, et ne pourront se preualoir contre nous , et ainsy les ayans surmontés auec ioye et victoire , vous retournerez deuers vos maisons, vos femmes et . filles , lesquelles ils ont conuoitez à les rauir. Au surplus , ie deffends à tous gouiards et pietons que, sur peine de la hart, durant la bataille, nul ne s'amuse à recueillir quelconque depouille des ennemis, ains qu'il les repute pour rien, de peur qu'il ne soit empesché de combattre. ( Et de fait , il'auoit fait dresser plusieurs potences pour ce exprès. ) Et si Dieu nous concede la victoire , tout ce qu'un chacun pourra recueillir de despouille, pourueu qu'il ne fasse autre iniure , 1l le pourra ( de nostre permission ) tenir sien ; mais si pendant la bataille quelqu'un ayant necessité de cheual, peut enuahir celuy de son aduersaire , il luy sera libre. À ces mots, tous d’une voix affirmerent que volontiers ils obeiroient à l'excitation du Roy. Or le Roy auoit apporté de Paris la banmiere de Charlemagne que l’on nommoit Orflamme , laquelle pour autre necessité n'auoit jamais été exposée à la guerre depuis le temps du dit Charlemagne; le Roy la prenant hautement s'escria, disant : Qui est celuy de vous

qui aujourd'huy en l'assault portera cette banniere , honneur de nostre France! Auquel le duc de Bourgongne respondit, disant : Sire, je cognois un cheualier icy, fort de corps et de cœur et bien appris à l'exercice des armes, mais au demeurant pauure, nommé H/alon, qui pour le désir qu'il auoit d’assister à cette bataille a engagé toute sa terre pour un seul cheual. Si vous auez enuie de commettre l'enseigne à quelqu'un, baillez la à cestuy. Dont le Roy l'ayant à soy appellé et luy presentant la banniere, dit: Tiens mon amy Walon , aujourd'huy je te commets l'honneur de tout le Royaume François ! Auquel Walon respondit : Que suis je donc, o Sire , qui puisse faire cela ? Ne crains pas, dit le Roy , car si auec l'ayde de Dieu nous obtenons la victoire , je respondray largement à ton labeur. Et ainsy Walon prenant cœur, honnestement dit: Sire, puisque vos commandemens me contraignent à ce faire , 1e tascheray d'accomplir vostre volonté, mais à ce que je voy, cette orflamme a soif du sang humain , aujourd'huy Dieu me conduisant en la veue de beaucoup, ie beuray le sang de nos aduersaires. Le Roy considerant que le soleil de ses rayons baltoit sur les yeux à ses gens, aduisa lui tourner le dos, ce qu'il fit; mais les aduersaires n'ayant esgard à cela, s'opposerent à la lueur du soleil. Le Roy de France commanda que ses trompettes , desquelles il avoit bon nombre. se tinssent à la queue de l’armée et que au premier assault ils sonnassent à toute force.

Du son des trompettes, et du commencement de la bataille.