LIVRE TROISIEME

à bride abattue iusques au camp de ses ennemis. Le cheualier Walon qui apportoit l'orflamme du Roy de France, l'ayant apperceu , et le voulant aborder d'un cours vehement , en abaissant quelque peu son enseigne ; luy transperça le rable du dos, de sorte que de l'autre costé l'enseigne apparoissoit toute teinte de sang . et de ce coup le rua par terre, puis retira à soy l'enseigne. Et ainsy comme il auoit predit , 1l arrouza l'orflamme de sang, comme en suiuant il fit beaucoup de fois. Deux gouias* ayant apperceu le comte Ferrand par terre, le prindrent à collet ,: de sorte que l'un d'eux ayant leué le dessus de son harnois , le frappa si rudement d'un coutelas que les deux hanches en étoient percées , et l'autre le blessa bien fort entre les espaules ; toutefois étant preserué au dedans de sa cuirasse ne fut nauré à mort, mais fut rendu à Roy de France , qui le bailla à sa garde. Or, les Allemans reclamans à toute extremité ; comme ils ont de coustume, plusieurs d'entre eux virilement se comporterent, et plusieurs , par les François , ruez par terre, y laisserent la vies les uns outrez de la lance, et les autres detranchez à coutelas , enuoyerent leürs ames aux enfers , pour là y dresser leur rendez vous. L'Empereur Otion considerant que l’auant garde de son armée se debilitoit tant malheureusement , accourageoit le reste à la bataille , se confiant seulement à la multitude de ses gens. D'autre part, le Roy de France et les siens, interpelloient Dien et le glorieux St Denys à leur ayde. Walon, le porte enseigne du Roy, voyant l'Empereur auec son armée, s'ayant commandé à Dieu et inuoqué le tres heureux St Denys, ne peut differer dauantage qu'il ne donnast tres fort des esperons à son cheual, tellement qu’esleuant son enseigne et courant auec telleimpetuosité, il entra dans l'espaisseur de l'armée et la diuisa en deux , et paruint iusques à l’arriere garde où l'Empereur étoit. Il fut suiuy du duc de Bourgongne, des comtes de Normandie et Bretagne auec les leurs et plusieurs autres cheualiers. Or, un noble cheualier , nommé Ageranne de Coucy, apperceuant l'Empereur de loing , donna des esperons à son cheual et brossant droit à luy, et abaïssant sa lance , l’abbattit de son cheual ; en mesme instant,

« Clientes. Grillaume-le-Breton les nomme Hugues de Maroil et Jean , son frère.

Je cheual du Roy de France, blessé en nn pied , le secoua st sec qu'il luy fit perdre l'estrier, et ainsy tombant de son cheual, tous ceux qui le virent s'escrierent à haute voix: Courrez , courrez vers le Roy, car il est tombé à terre”. Les cheualiers qui tenoient l'Empereur , ainsy qu’ils pensoient l'amener au Roy, entendirent le bruit des soldatz, et par ainsy delaissans l'Empereur, et accourans vitement deuers leur Roy. le trouuerent desià remonté à cheual, dont ils furent extremement indignez d’auoir laissé eschapper l'Empereur. Parquoy fendans de rechef l'armée par Je maniement de leurs lances, pensans le rattrapper, ne le sceurent atteindre, car il auoit pris la fuite. Ayans donc seulement recognu celuy qui auoit releué l'Empereur, Île firent mener au Roy auec plusieurs autres combattans. Le tant renommé Walon, porte enseigne, auec beaucoup d'autres cheualiers , en suiuant l'Empereur par tous les lieux escartez, ne peurent iamais l'attrapper. Et partant, reprenans leurs premieres arres, tous ceux qu'ils rencontroient en fuyant:, les tuoient, sinon que les plus signalez lesquels ils enuoyoient captifs à Roy, et ceux qu'ils connoissolent être domptez de la guerre ou ne pouuoir fuir, ils les laissoient acheuer leur sinistre fortune. Et venans au lieu où la bataille s'auoit donnée, ils trouuerent les François qui partie depouilloient les corps morts des Allemans , partie lyoient les esclaues qui auoient fait amener les cordes desquelles ils furent eux mesmes garottez , pensans garotter les Francois: partie recueilloient les pauillons des Allemans , partie diuisoient le butin qu'ils auoient retrouué du bestail. Et en ceste sorte, le Roy de France, auec le petit nombre de ses gens , surmonta et deffit la grande multitude de l’armée de l’Empereur Otton, auec les traistres ses adherens. Entre autres furent pris les comtes de Flandre et de Boulogne, auec plusieurs cheualiers et autres soldats qui , au preiudice de leur Roy, s'auoient party de France pour aller au secours de l'Empereur Otton auec les comtes susnommez,

* Le roi, disent tous les historiens, eut un cheval tué sous lui, et fut même blesse à la gorge.