LIVRE TROISIEME

Tous ceux ci furent garottez et menez en France, où ils furent ewprisonnez. Ainsy le Roy de France et tout son ost, chargés ct reuestus de grandes depouilles ; excepté un cheualier et un soldat de nom qui moururent en la deffaite, prospererent , retournerent au royaume de France. L'on fit compte de trente mille hommes, tant morts que captifs , de l'armée de l'Empereur Otton , qui étant paruenu en Ja ville de Brundsuich , fut angustié de telle douleur et tristesse, qu'étant couché au lhct, ne vesquit que bien peu de iours". Toutefois, viuant encor, 1l fit iurer à quelqu’uns de ses amis, que sitost qu'il auroit expiré , ils brulassent son corps et le portassent à Rome, pour le presenter au pape , afin que par ce benefice, 1l peut obtenir la grace d’absolution; car aussy de vray, il étoit excommunié. Je ne sçay s’il l'obtint ou non. Or, le Roy d'Angleterre qui desià commençoit à enuahir le royaume de France , ayant sceu la victoire du Roy Philippe sur l'Empereur Otton et les Allemans , comme une ecreuisse reculant , et montant en ses nauires retourna en Angleterre. D'autre part , Louis, fils du Roy de France , auec les siens , retourna à Paris pour saluer son pere, où étant arrriué auec les principaux de la Cour, instituerent et passerent plusieurs iours de festes à l’honneur de Dieu et pour graces affectueusement rendues à St Denys, comme fit tout le peuple auec grande esiouissance. Ainsy, Dieu tout puissant ne cesse à porter ayde à ceux qui le craignent bonnement.

De la mort de Philippe, Roy de France.