LIVRE TROISIEME. E

étoit presque reduit aux extremités de sa vie. Le pape Honoré le visitant, le trouua en un verger, couché dans un lict , à demy mort, desesperé et abandonné des medecins ; et voyant qu'il étoit reduit à dernier article de sa vie , et que l'esprit à grand peine battoit en la sommité de son estomach + ayant disposé des funeraiiles et absolutions , et ordonnés hommes certains qui prendroient garde à son deces, se partit de luy. La nuict ensuiuant, comme on le reputoit mort , au premier sommeil de la nuict, trois hommes habillez de blanc luy apparurent, qui menoient un quatrieme auec eux, desquels le plus grand, pour ce qu'il étoit reuestu d'ornemens, ressembloit à un euesque : iceluy s'approchant du liet du malade, l’appellant de son propre nom, luy dit: Ne dors tu pas ? Mais luy d'une voix cassée et enrouée ; comme font ceux qui tendent à la mort. respondit : Qui êtes vous, Monsieur ? L'euesque luy dit: Je sais Denys Areopagite , autrefcis citoyen d’Athenes , et après fait premier euesque de Paris, où auec ces deux miens compagnons Rustique et Eleuthere , ie fus decapité pour le nom de Jesus Christ; et quant à ce quatrieme qu'auons auec nous , c'est Philippe , Roy de Fraace , lequel auiourd’hui trespassé, nous proposons le conduire parmy le feu du purgatoire, afin que si quelques pechés des attouchemens terriens luy étoient demeurez, auec la misericorde diuine , il peut les effacer par ce feu. Et ainsy fait, nous le conduirons eu repos auec nous. Leue toi donc et va trouuer le pape Honoré , auquel tu feras entendre ce qu’as presentement ouy: finalement adiouste à ton dire , que demain de grand malin , il ne faille à sacrifier et offrir l'hostie salutaire pour ledit Philippe , et que sur iceluy 1l employe le benefice d’absolution , et que cela ainsy fait , il sache que sans aucun doute, ledit Roy sera mis à la gloire eternelle. Et afin que sur les choses auant dites , l'on te peut donner foy, leue toy et prends ce signe, car ‘combien que tu sois maintenant proposé à l'article de la mort, par la vertu diuine ie te reuocque d'icelle mort, et pour accomplir ce mien mandement , ie te restitue à ta santé pristine, auec plus grande force que n'auois auparauant. Et empoignant sa main , le Jeua de son lict, dont au mesme instant celte vision se disparut. L'homme d'armes esueillant ses gardes, qui de fortune s'auoient endormis pendant icelle vision, commanda qu’on luy baillast ses

habillemens et souliers. Mais iceux ne sachans rien de ce qui luy

éloit auenu . et le voyant assis sur son lict, furent estrangement estonnez. Parquoy lui les voyant hesiter. leur dit: Voicy maintenant ie suis en bonne santé, et me semble être entierement remis en mes ieunes ans , esueillez vous donc , et auec moy louez nostre Seigneur, et allons trouuer le pape , car 1'ay certain mandement que ie luy dois communiquer. Ses gens craignoient d'aller auec Juy. car de vray ils pensoient voir un fantosme ; mais étant aucunement asseurez, suiuirent leur maistre. Venans donc à la chambre du pape . l’homme d’armes demanda à entrer dedans. Mais l'huissier s'enquerant qui étoit celuy qui tant hardiment frappoit à Ja porte en une telle heure , osoit inquieter le pape . l'homme d'armes luy respondit : Je suis l'homme d'armes , cousin du pape, et qui snis été malade iusques à la mort , voicy par la grace de Dieu , ie suis en bonne conualescence , ouure donc, car i’ay chose merueillcuse à luy dire. L'huissier tout tremblant s'accourut vers le pape et luy conta ce qu'il auoit entendu. Le pape Honoré esmerueillé, non toutefois sans hesiter, commanda qu'on luy ouurist la porte. Luy donc entré qu'il fut, commença à raconter tout par ordre ce qu'il auoit veu et entendu de St Denys , et que pour verification de son mandement , il auoit été par le mesme saint restitué en sa premiere santé. Le pape infiniment esiouy de telles nouuelles , . rendit graces à Dieu. et luy ayant donné sa benediction , le laissa. Le matin venu, en celebrant le diuin seruice et donnant absolution audit Roy, accomplit fidelement tout ce qui luy étoit enioint.

Du Pape Innocent troisieme , et comment finement il enuoya en Allemagne Frederic, fils de l'Empereur Henry. |