CHAPITRE XXI

En ce mesme temps , Frederich, duc de Lorraine, receut la fille du comte Albert de Tasporch [Dasbourg], laquelle luy étoit unique, pour son fils Thiebault*. Non longtemps après, le duc Frederich et le comte Albert moururent , et Thiebault. fils dudit Frederich, succeda au duché de Lorraine de la part de son pere , et au comté de Tasporch de la part de sa femme. Mais le Roy Frederic ayant sceu la mort du duc Frederich, reuoqua à soy la ville de Roseim , laquelle luy auoit été donnée pour gage. Quoy entendant . le duc Thiebault ayant leué bon nombre de soldatz , commanda à Lambyrin d'Arches , lequel étoit grand maistre de sa maison, qu'il descendit à Brustenual auec ses gens de pied, et qu’illec on lattendit. Mais voyant Lambyrin que le duc ne venoit , conduit ses gens iusques à Roseim, et pour ce que là contre le val n'y auoit aucune deffence, entra subitement en la ville. Quoy voyans , les habitans du lieu se retirerent en leur eglise, et ainsy Lambyrin auec ses gens occupa la ville , et iceux ayans trouué beaucoup de munitions , comme vins et autres viandes , chacun en prit en sa volonté.

* En 1206. Cette alliance si noble, si avantageuse en apparence, n'eut aucun sucués et ne causa que des troubles à la mort de Thiébault I‘. Plus loin , Richer ne dissimule point ses regrets.