CHAPITRE PREMIER
En l'an de l’incarnation de nostre Seigneur, mil deux cens et quioze , fut celebré un synode uniuersel à Rome, en l’eglise de St Sauueur., laquelle on appelle Constantiniane, au mois de nouembre, et auquel presidoit le pape Innocent troisieme, l'an XVII de son pontificat, et auquel synode furent presens quatre cens douze euesques , entre lesquels étoient deux des principaux
patriarches , à sçauoir, celuy de Constantinople et celuy de Jerusalem. Celuy d’Antioche , retenu d'une extreme maladie , ne peut assister, mais il y enuoya son vicaire, l'euesque d’Antercide. Et celuy d'Alexandrie, detenu sous la domination des Sarrazins , fit ce
qu'il peut, car il enuoya un diacre, son frere. Il y auoit des
primats et metropolitains septante et un. Le nambre des abbez et prieurs fut estimé dix huit cens et plus. Et quant aux archeuesques et euesques , abbez, prieurs et autres prelats de l’Eglise qui n'y assisterent , on n'en fit point de compte. Il y eut une grande multitude de legats et principalement du Roy de Cicile , esleu Empereur des Romains ; de l’Empereur de Constantinople , du Roy de France, du Roy d'Angleterre , du Roy de Hongrie , de Jean, Roy de Jerusalem ; du Roy de Chippre , du Roy d’Antigone , et de beaucoup d’autres princes et grands seigneurs, des citez et autres lieux. Ea ce concile, le pape Innocent recita une oraison de sa propre bouche ; commençant en ceste sorte: Desiderio desideraur , hoc Pasqua manducare vobiscum antequam moriar. C'est à dire, l'ay desiré grandement de manger la Pasque auec vous , premier que ie meure. En laquelle harangue, entre beaucoup d'autres traitez et disputations pour la conseruation de la foy, de l’estat de l'Eglise et des personnes qui les gouuernent , il declara si clairement comme il étoit prochain de sa mort, et du signe que Dieu luy auoit à fait sur icelle, que c'étoit chose merueilleuse. Et ce qui plus approche de merueille, est qu’il disputa si eflicacieusement du mariage , qu'il proposa les degrez auxquels on peut traiter mariage, deuoir être redigez plutost à quatrieme que d'être maintenu au septieme , auquel anciennement il se pouuoit faire mariage , affirmant que pour la computation trop embrouillée des cousinages et alliances , que l’on en traitoit le mariage si surement , et que dès là auenoient maints diuorces. Dont luy mesme delibera que le mariage se fit entre le quatrieme degré seulement. Et que si d'auenture quelques uns étoient conioints par mariage. étant nonobstant alliez, l’un du cinquieme degré , d'une part , et l'autre du troisieme , d’une autre part , qu'ils ne soient separez ni disioints de leur mariage. Et demonstra beaucoup d’autres choses desquelles usent encor les iuristes ; et ainsy chacun se retira en son propre.
