CHAPITRE XVI

Ce François donc, que cy dessus nous auons dit être le premier de l’ordre des Freres Mineurs , étoit natif d’'Assize , cité en la vallée Spolitane, fils d'un riche hemme de ladite cité, et qui pour cause du matrimoine auvit accoustumé l’enuoyer es parties de France, d'où vient que de France il fut appellé François. Luy donc étant ieune et de bonne industrie , persistoit ambitieusement ( comme est Ja façon de faire des marchands ) à l'amas des biens mondains , mais quant à son mariage qu'il auoit desià de son pere, il le distribuoit Jargement aux eglises et aux pauures. Il aduint qu'une fois, étant retourné des champs , fut gracieusement receu de son pere, qui; ayant conuié ses amys, fit un festin solennel. Ce mesme iour, ce ieune Francois entrant en sa chambre, se vestit d'une robe à Jaquelle il auoit attaché un chapperon . s'ayant deuestu premierement de ses habitz accoustumés , puis se ceignit d’une petite corde nouée, étant de teste rasé et nud des pieds, et en tel ordre se vint presenter à son pere, auquel disant adieu, affirma vouloir plustost seruir à Dieu qu'à la richesse. Trauersant donc toute icelle region, il s’associa plusieurs freres en son ordre, et venant deuers le pape Gregoire neufuieme, furent par luy authorisez comme de premier auoient été les Freres Prescheurs , et en ceste sorte furent colloquez en diuers pays. Or François, auec quelques uns de ses freres discourans par les villes et citez, arriua de fortune en une cité où ils pensoient prescher la parole de Dieu, mais les citoyens les ayant veu en tel habit, les chasserent de leur cité comme fous. Luy donc se tenant deuant les portes de ladite cité , apperceut en un patis plusieurs oyseaux de diuers genres qui se paissoient. Lesquels