LIVRE QUATRIEME

disoit à son hostesse qu'elle ne s'espouuantast si d'auenture de nuict elle ouyoit ouurir ses portes ou quelqu'autre bruit, pour ce qu'en telle heure elle étoit immoderement tourmentée du diable. Et comme elle deceuoit ainsy tout le monde, les Freres Prescheurs et Mineurs la venoient visiter, et toutefois ne sceurent iamais apperceuoir sa fallace 3 mais qui plus est, commencerent desià à prescher de sa sainteté et de ses actes en public. Que diray ie dauantage? L’euesque de Metz* mesme vint à elle auec plusieurs comtes ; gentilshommes , hommes d'armes, prestres , religieux , et auec diuerses personnes ; tant hommes que femmes, tellement que s'y faisoit grande foule. Mais n'étoit permis à un chacun de la voir ; car oyant icelle dire qu'une si grande multitude de gens la venoient visiter , elle feignoit être rauie en esprit iusques au ciel, comme elle auoit accoustumé de faire , et disoit ne deuoir retourner deuant trois iours , de façon que nul n'entroit dans sa chambre. Cependant, ceux qui étoient venus pour la voir, et ne la voyoient, oyans seulement des habitans de Marsal les choses qui se faisoient par elle , et retournans en leur residence, ils en racontoient merueille à ceux qui n’en sçauoient rien. De sorte que de l’Allemaigne et pays contigus , 1l en sortoit grande troupe pour la voir. L'euesque de Metz , auec ses clercs et Freres Prescheurs qui étoient auec luy, voulans experimenter si elle étoit si longtemps sans manger et boire, et si elle étoit quelquefois rauie en esprit, comme elle disoit. la fit mener en une autre maison . et en la chambre où elle couchoit, ne permettoit aucun y hanter auec elle, pour ce que les anges la gardotent , lorsque le diable l'importunoit ainsy molestement. Mais se voyant ainsy estroitement gardée , en sorte qu'elle ne pouuoit ni manger ni boire, afin qu'on la creut touchant ce qu'elle disoit du diable, se leuant une nuict. elle prit les plumes de ses oreillers et les sema par toute la chambre et le lieu où étoient ses gardes (ayant premierement’ donné à entendre que de iour elle deuoit être rauie). Dont ceux qui voyoient cela, pensoient qu'il fut ansy fait du diable pour la molestie qu'on lui faisoit. Car aussy auoit elle dit que souuentes fois elle étoit inquiettée du diable, tant au lieu où elle étoit premierement , que là mesme où elle

* Jacques de Lorraine, mort en 4260.

residoit encor. En tel estat. elle passa trois lours et trois nuicts, ne mangeant ne beuuant, iusques à ce que ne pouuant plus supporter la faim , elle supplia l’euesque qu'elle soit rapportée en son premier lieu ; car elle auoit ouy (disoit elle) pendant les trois iours de son rauissement, que si elle residoit dauantage en ce lieu là, que outre les peines que le diable luy donnoit plus que de coustume , il decouperoit tout son corps. L'euesque adioustant foy à son dire , la fit porter en sa chambre premiere. Voyant donc Sibille (car tel étoit son nom) que l'euesque, les Freres Prescheurs et Mineurs , et beaucoup d’autresadioutoient foy à ses fables . elle se rempara de plus grande hardicsse. Elle se fit faire un habillement de drap noir, velu et picquant, et y fit attacher un chapperon ayant la face d'un diable, duquel elle s’habilloit lorsqu'elle faisoit semblant d’être rauie, et parlant d'une voix rauque et horrible, donnoit grande crainte à ceux qui l'escoutoient. Et quelquefois sortant de nuict en tel habit diabolique , apparaissoit à beaucoup de gens auxquels elle parloit , et ce qui est plus admirable, elle couroit parmy les rues et places de Marsal, et disoit à ceux qu'elle rencontroit qu'elle étoit le diable qui molestoit la vierge Sibille, impie et miserable. Et ainsy delaissée de ceux qui s'enfuyoient , elle retournoit en sa chambre. Il aduint qu'un iour,1l mourut un bourgeois de Marsal , qui de beaucoup n'étoit estimé que bien peu homme de bien. Ce qu'étant venu à la connoissance de Sibille par le rapport des domestiques de son logis , la nuict ensuiuant , habillée qu'elle fut de son habit deguisé , vint à la porte de la chambre et parla à ceux qui étoient en la maison , comme si elle fut été diable , disant: Helas ! moy, quelle perte ai ie fait auiourd'huy par le moyen de ceste mauuaise femme Sibille, car elle m'a violentement osté mon amy qui est mort auiourd'huy; icelle auiourd'huy est rauie au ciel et n'en retournera de trois iours ; par les suffrages de ses oraisons , elle l'a reteau à soy, et toutefois ie presumois qu’il étoit mien, ct m'apprestois à le conduire en mon champ lumineux et delectable , où le conduis mes amys par maniere de promenade. ( Dont ceux qui l'entendoient , l’interrogeoient où étoit ce champ.) Dont il respondit : Ce champ est arrousé d'une rosée flammeuse et sulphurée ; en ce champ sont les lezards, viperes, serpens , couleuures ; crapaux et autres bestes veneneuses + Sont mes