LIVRE QUATRIEME
ne paruenant à la fleur de son age, finist ses iours, et ainsy il laissa à sa femme le comté. Or, le comte de Champagne , encor ieune qu'il étoit, entendant que ledit comté étoit auenu à la relicte du duc de Lorraine, il la prit à femme, non pour autre chose que pour iouir des richesses du comté; et de fait il espousa plutost le comté que la comtesse, laquelle il repudia quelque temps après pour ce qu'elle éloit sterile. Mais icelle se maria à comte de Lignigne*, qui tous deux non longues années après moururent. Et amsy le comté de Tasporch fut sans heritier. Chose merueilleuse, car ceste comtesse dont nous parlons fut procréée de parens tres nobles et tres chrestiens; car St Leon, duquel l'Eglise est pieusement et meritoirement decorée, fut extrait de ceste famille. Son pere [ Hugues d'Egesheim] fut tres clement fondateur de plusieurs eglises; il edifia un monastere de dames, que l'on appelle Hesse , près de la ville de Sarborch , et lequel il dota de ses propres deniers. Il erigea un autre monastere de religieux en Alsace, que l’on appelle Altoff. Il en fit encor edifier un autre de religieuses en l'euesché de Basle , que l'on appelle Waffenhem. S’i] étoit permis d’en dire dauantage , ie demanderay pourquoy une tant noble et sainte progenie a failly d'heritier par defaut d'urie telle femme, voire, et perdu son nom tres fameuxt. Car l’euesque Jean de Metz, aduerty qu'il n’y auoit pluÿ d’heritier audit comté , retira à soy et s’attribua comme de son propre quelque chasteaux dudit comté, à sçauoir , Hernestain, Turquestein, Albe et Saleburg, avec le comte de la cité de Metz, et ensemble les hommes, terres et autres choses que le defunt comte de Tasporch auoit eu iadis de l’euesché de Metz par droit de fief. Le frere du comte defunt assiegeant à force d'armes la ville de Tasporch , il l'obtint; et qui plus semble. estrange, ceux à qui aucun droit ne competoit du comté, tachoient à s'emparer des villes, terres et autres forteresses. Bertholde, euesque de Strasporch , voyant les deux chasteaux de Guirebalde et Vernestain luy étoient assez voisins, | ilse les attribua auec leurs dependances. Et ainsy le tres fameux comté de Tasporch perdit son nom auec ses biens.
* Simon, comte de Linanges.
b Errard sera plus explicite: « Moult elle aimoit, dit-il, ebas d'amoureux et
menées d'intriguss , dont ne se fit faute.
De Wilderic, abbé, et de ses faicts.
