CHAPITRE XXXII

Henry de Salmes ( car ainsy s’appeloit il commença prenierement à malmener l'aduocatie de Sennone , de Plainuoye et de Vipodicelle, qui luy étoit aduenue par sort , et affligea les hommes de ceste terre tant de tailles, exactions, serwitudes, que de toutes autres oppressions ; en sorte qu’à peine se pouuoient ils sustenter, et non de merueille, car ils étoient detenus sous le ioug de grandes debtes. Car, comme souuentcs fois son oncle auoit fait, il étoit coustumierement detenu en hostage pour les deniers qu'il deuoit à un citoyen de Metz. Et n'auoit de quoy à satisfaire , en sorte qu'il fut contraint de rompre impudentement le serment qu'il auoit sur ce presté à son crediteur. Car un certain iour , sans licence , il monta à cheual et departit de la cité. Et comme il étoit aduenu à son oncle pour Blamont, iceluy , à cause de pauureté, donna le chasteau de Morhanges , qui étoit son aloz , au duc de Lorraine pour quelque somme d'argent, et de luy le receut en fief. Finablement il oppressa tellement cette eglise de Sennone, qu'il mettoit ordinairement des forestiers en nos bois et des pescheurs en nos eaües, et à nous n'étoit permis que d’auoir un seul pescheur, ce qui iamais n’auoit été, mais nous en auions tant que bon nous sembloit à l'endroit de nos eaües. Îl commandoit aux hommes de mesurer la terre des champs de l'eglise à la presence de luy ou de son bailly. Et si quelques laboureurs de l’eglise auoit quelque querelle contre nous, iceluy debattoit pour eux et prenoit le fait en cause contre uous. Si quelqu'un se conuertisscit à sa seigneurie, il prenoit de luy seureté, ce qu'il ne faisoit ne l'étant point. Et s'il aduenoit que quelqu'un se conuerlisse, ou que sans hoirs il mourut, ou qu'il veuille se