LIVRE PREMIER

d’extreme famine et langueur. et neantmoins n'intermet son seruice iournalier enuers moy. et toy qui est icy plongé délicieusement en abondance des biens que ie t'ay eslargy, n'en as aucune compassion? À quoy cest homme prudent et discret respondit : Seigneur, veu que ie ne sçay où est caché cest homme et ne le puis sçauoir, comment auray le pitié de luy? Et sur ce, luy fut dit : Charge les porteurs de fardeaux qui sont en ta maison , et Jes laisse s’acheminer où le sort les conduira, les faisans guetter de loing quel chemin ils prendront et où se deschargeront , là tu sauras asseurement que Dhié mon seruiteur fait sa demeurance. Or ledit Hunon se leuant du matin se recorde de la vision, fait et execute le mandement en icelle , charge ses porteurs de toutes sortes et espèces de viures en grande affluence , qui par chemin non oblique, ains par le mesme que St Dhié s'étoit retiré en solitude, obstant qu’il fut à peu de gens cogneu , finablement abordent au lieu de son repaire. Ce qu'ayant apperceu ledit sant, cogneut que celuy qui repeut et sustenta au desert cinq mille hommes de cinq pains auoit eu soucy et souenance de luy. Et à peine les seruiteurs dudit saint auoient ils deschargé les porteurs , que voicy arriuer ceux qui les ensuyuoient , qui rendans grâces à Dieu pour ainsy auoir trouué ledit saint personnage , auec congé de luy sont retournés vers leur maistre. Du depuis Ja reputation et renommée dudit saint s'est épandue par toutes les contrées voisines , tellement que plusieurs , auec grande liberalité de leurs biens , le venoient visiter et cherir honorablement . et parcequ'il se manifestoit par le moyen de plusieurs miracles , et que à ce moyen étoit en ce temps reputé pour saint homme, ayant grand credit enuers Dieu , plusieurs se venoient habituer en icelle vallée, pour autant qu'elle étoit ample et spacieuse assez pour y construire dix huit eglises , et y bastirent des maisonnettes où ils pourroient habiter. Et afin que le trop long propos et progrès des actes de ce saint ne deplaise au lecteur, nous y mettrons incontinent fin.

Du trespassement de saint Dhié.