CHAPITRE XX

Pendant que ces bons moynes s'esbattoient à tels insolens exercices, y en auoit un qui portoit l'office de sacristain, et qui ne pouuoit passer aucune nuit sans derechef manger mesme dedans l'église. Ayant donc une fois fermé le monastere et retenu auec luy un ieune clerc qui luy preparoit ce qu'il auoit de coustume manger, se courroussant grandement contre luy parce qu'il ne luy auoit rien preparé, mais afin de n'interrompre sa coustume, commença à manger du pain et du fromage qu'il auisa auoir vers luy de reserue , et étant paruenu deuant l'autel de Ste Croix, qui posoit au milieu de l'église, ainsy qu'il mangeoit son pain et fromage apperceut un diable d'une admirable grandeur, qui prenant le moyne par la perruque, Juy mit son doigt dedans le ventre ( chose admirable à reciter) d'un crucifix pendant en une : croix sur ledit autel. Cela fait, parla au moyne en ceste sorte : As tu assez de pain d'orge pour remplir ce famelique ventre? À quoy le moyne, pour tant horrible vision, éperdu, ne respondit rien. Quoy voyant, ce diable fouetta sur le paué et le foula aux pieds, en le frappant et meurtrissant, le trainoit parmy toute l'église et arrousoit tout le paué de son sang. Si que le moyne faisoit retenir toute l'église de ses clameurs et hurlemens; à quoy tous les autres moynes furent esueillez, qui accourant à tel bruit, pour entrer au monastere, furent contraints briser les portes, et faisants cherche de çà et de là ne trouuoient ledit moynez; mais si tost qu'ils ensuiuirent la trace de son sang et montez qu’ils furent au plus haut de la tour, le trouuerent où les eschelles et degrés étoient tous pollus de son sang. Le miserable moyne étoit planté sur la pièce de hois d’où pendoient les cloches. Puis le transporterent demy mort en leur dormitoire, où il suruesquit deux iours, recitant par ordre à ses freres religieux ce qui luy étoit survenu : lequel étant mort fut intimulé au rang

de ses freres decedez.