CHAPITRE XXII

Plaise à toutes personnes ne vouloir en rien imputer d'auoir cy dessus traité des miserables habitateurs de ce monastere et de leur malheureuse conuersation. Sachans bien comme ie n’ay moins aymé que moy mesme ceux qui s'y ont voulu rendre. Passant outre et sous silence plusieurs miracles que Dieu a voulu être faits pour les merites du bienheureux saint Hydulphe, ren reciteray done aucuns. Etant donc encor ledit saint viuant en ce mortel siecle, comme il étoit et de corps et d'esprit prouide et discret , toute affection de chercher son profit particulier post posé, mais brulant d'un flagrant desir de complaire à Dieu, ordonnant prudemment toutes choses duysantes à son cloistre tant au dedans que au dehors, tant il craindoit d'offenser Dieu, en desirant être plus aymé que hay de ses freres. Toutes choses donc bien ordonnées, au dedans du cloistre , 1l delibera de bastir auprès de la porte du monastere une maison hospitaliere, afin que les religieux ne fussent molestés par les suruenans , et tantost après 3 édifia encor une chapelle à l'honneur de saint Jean Baptiste , où ils puissent ouyr messe. Ca donc été pour l'accroissement de la gloire et honneur du Tout Puissant et de ses bien aymés St Jean Baptiste et St Hydulphe, premier abbé dudit monastere; et comme 1l est facile à croire que le bon Dieu a par tant de beaux miracles illustré ladite église, ensorte qu’autant de demoniacles qu’on apportoit en ladite église ou oratoire , s'en retourhoiïent incontinent déliurés de tels malins esprits. Car en cestuy oratoire étoit un vaisseau

plein d'eaue , dedans lequel les insensez et demoniacles qui y étoient plongés recceuoient guerison; chose qui auenoit ordinairement. Si que lors y fut amené et conduit un pauure rustique du val de Saint Dhié, vexé et saisy d'un si fort et indomptable demon, qu'à peine y auoit 1l chaines de fer suffisantes pour le tenir, et se declairoit expert en toutes sciences, se jactant auoir la connoissance de tous les arts libéraux, en sorte qu'il descouuroit les choses passées et recitoit les pensées et cogitations de tous ceux qui s’abordoient à Juy; il assistoit à la celebration de la messe, il chantoit auec les chantres, psalmodioit auec les psalmodians, ne se detournoit de la croix ni de la remembrance du crucifix. Ce personnage étant conduit audit oratoire, on le plongea dedans ledit tonneau, dont il s'esbattoit à l'endroit des assistans. Sur ce, le moyne qui étoit estably pour coniurer les malins esprits, et qui auoit entendu comme ce demon malin reueloit tous les actes secrets des hommes , craignoit de se presenter deuant Iny; mais se retirant deuers un des plus vieux d’entre les religieux, confessa tous ses péchés commis, et ainsy se vint présenter deuant le demoniacle, et luy parla en ceste sorte : O méchant et malheureux menteur et trompeur des hommes, qui par l’astuce de tes mensongeres assertions te iacte de sçauoir et connoïstre toutes les pensées des hommes et leurs actes, dis maintenant ce que tu cognois de moi. Le demoniacle tout estonné et pensif, versa les yeux et Ja face en terre, ne sachant qu'il deuoit respoudre , puis vint à parler en tels mots : Auant hier tu commis une grande chose, laquelle maintenant m'est échappée de la memoire. De quoy ledit moine encouragé, vint à lire le St euangile St Jean pour confession sur le chef de ce pauure rustique, dont il fut grandement irrité : Tais toy, idiot; ne sçais tu pas bien que ie sçay cest euangile mieux que toy , et sache que r'entends mieux le mystère d'iceluy que tu ne fais, et n'est en toy de me chasser de ce corps par vertu dudit euangile. Quoi entendu par le moyne, soudain s’en va à l'église , d'où il apporte vers le demoniacle un coffre plein de reliques de saints personnages, lequel ledit malin esprit sentant approcher auec icelles reliques , s’escria à haute voix: Oste, oste , d'auprès de moy mes ennemis ; mais s’approchant , le moyne imposa le coffre et reliques

y étant endossées, sur le chef dudit rustique; et ledit malin Tr