CHAPITRE PREMIER

D'autant qu'il n'y a rien ou bien peu { qui soit venu à ma connoissance ) qui soit digne d’être reduit en memoire , touchant les successeurs du bicnheureux Gondebert, et de leurs Gestes, sinon les noms d'iceux , il m'a semblé bon n'y adiouster aucune chose du mien , afin que ie ne fusse en reputation d'être autheur

de chose nouuelle. Et premierement l'on tient que le premier qui succeda à nostre fondateur, étoit Margueran , homme de sainte vie , et d'autant bonne conuersation ; qui gouuerna cestuyÿ nostre monastere de Sennone; des actes duquel ie n’en puis escrire dauantage que j'en ay trouué par escrit. À celuy succeda Aggeric , et autres, comme Bouciole et Estienne , après lesquels suruint un nommé Angerran, homme puissant et de noble race, qui eut l'administration de ce lieu , lequel étoit tant amy, à l'Empereur, qu'il luy confera l'estat de chancelier en sa maison. Et pendant qu'il exerçoit son estat , aduint la mort de l'archeuesque de Metz, que lors étoit nommée Wediomatrice , comme étant située au milieu des trois citez, sçauoir: Treues, Toul et Verdun, dont elle est appellée la mere desdites trois citez. pour ce que lors l’archeuesque étoit grandement honnoré. Comment, ny quand telle dignité fut deferée , ie n’en ay rien trouué par escrit. La mort duquel archeuesque étant paruenue iusques aux oreilles dudit Empereur , promeut soudain son chancelier à la dignité d'iceluy archiepiscopat , qui pendant le reste de ses iours gouuerna heureusement et à son grand honneur le troupeau qu’il auoit eu en charge, ensemble ladite cité. Or suruiuant encor ledit Angerran en sa dignité archiepiscopale , suruint la mort d'Estienve, lors abbé de ceste abbaye imperialle. - Ce que ledit archeuesque ayant entendu, soudain s’addressa vers ledit Empereur, le suppliant vouloir assujettir ladite abbaye à la puissance dudit archiepiscopat , d'autant que ce lieu de son commencement dependoit de l'empire. À la priere duquel inclinant ledit Empereur, et ne Juy voulant deplaire, Juy accorda sa petition. Et à ce moyen transfera le droit qu'il auoit en ladite abbaye et ses dépendances perpetuellement sous ledit archeuesché aux mesmes charges et conditions que les Empereurs l’auoient tenue du passé. Mais parceque ( ainsy que dit est) ce dit lieu n'auoit aucun Recteur. cest archeuesque Angerran eut la charge par quelque temps dudit archiepiscopat et de ladite abbaye, si que par ce moyen ceste abbaye, qui étoit auparauant imperialle, est maintenant sous la charge et puissance d'un euesque de Metz. Lors les moynes étoient grandement faschez d'être priuez d'un tel honneur (ou fardeau pour mieux prendre ) ne considerans point comme les autres eglises voisines étoient iournellement foulées des charges