CHAPITRE XXVI

En ce meme temps (comme nous auons dit) que saint Gondebert se vint arriuer en ceste Vosges, pour la dissention

suruenueentre deux freres Roys de France (lorsque nostre monastere fut construit }, sçauoir et Childeric et Theodoric [657-693], le bienheureux St Legier , euesque d'Autun , pour ce qu’il ne vouloit incliner à la volonté d’iceux Roys , premierement se retira au cloistre de Lizieux*, qui lors étoit fort celebre et de grande renommée par tout l'uniuers , auquel étoit Ébrouyu?, tyran qui auoit auparauant été d'une des plus grandes maisons de France , soudain forcené d'une enuie accusa St Legier , et neantmoins sous le manteau d'une fausse amitié s'allia auec luy, en sorte qu'eussiez iugé en eux être Charles le Grand auec son Ganelon , et s'entretenans ainsi quelque temps sous ceste amitié feinte demeuroit en ce cloistre. Mais aduenu que Theodorio quelque temps après fut restitué à la couronne de France, ce traistre Ébrouyn ayant ietté ( comme on dit } aux orties et l'ordre et l'habit, prenant les armes, contre lesquelles 1] changea son breuiaire, vint à être pourueu de l'estat le plus haut de la maison du Rôy. Puis autant qu’il trouuoit de ceux qui luy auoient contrarié, les bannissoit et exiloit, ou les faisoit décapiter. Entre lesquels, il arracha dudit cloistre ledit St Legier , lequel après luy auoir fait arracher les yeux, luy escorcha le visage et arracha les dents du pauure innocent, lequel il deforma honteusement, mais encore luy fit tirer la langue de ses premieres racines ; et neantmoins Dieu ne voulant denier le don de sa sainte grace à ce pauure martyr, obstant tel demembrement , luy restitua meilleure eloquence de parler qu'il n'auoit eu auparauant. De quoy le tyran Ebrouyn, après luy auoir improperé plusieurs iniures et faitesdurer inumerables tourmens, le condamna à la mort [l’an 678]. Comme auparauant 1 auoit 1à fait lapider son frere, nommé Gayn, euesque, l'ayant hé et attaché à un poteau de bois. Ledit bienheureux saint Leger en après , par ses vertus, fut celebre par le monde, aimsy que par le discours de sa vie il se peut connoistre : et depuis une de ses espaules auec le bras fut trausportée à Morbach , au monastere imperial d'illec.

* Luxeuil (Lurouium claustrum ).

= Ebroïn, maire du palais suus Clotaire JLI et Thierry 1*, tué en 684, avait été rasé et confiné , en 669 , dans le monastère de Luxeuil, à la prière de St Leger, qui

empêécha Childeric de le faire mourir. St Leger ayant blämé le mariage de ce prince avec sa parcnte, y fut lui-même renfermé quelque temps, en 673.