CHAPITRE VI

Successiuement en l'an 802*, que ce grand et tres celebre personnage Charles le Grand , Empereur et Roy de France, viuoit, pour ce que les Lombards, et principalement leur Roy Didier, molestoient asprement la cité de Rome pour l'occuper et la reduire sous leur seigneurie, fut prié et requis de la part du pape Adrian, de luy venir prester secours en Italie; lequel , comme vray et asseuré catholique , ne fut paresseux de soudain passer en Lombardie, auec armée bien munie d'hommes. de toutes choses necessaires à telle expedition bellique. Que paruenu iusques aux destroicts des Alpes. les trouua barrez par les gens dudit Roy Didier, d’une telle deffense qu'à peine pouuoit il passer outre, ni mesme s'en approcher. Après que huit iours furent eseoulez. les capitaines de l'armée vindrent à considerer qu’il étoit par trop difficile surpasser une telle armée, auec si peu de viures, outre les haultes et penibles montagnes. De quoy le Roy aduerty, permit à ses gens le retour en leur pays. Or le matin venu, furent aucuns ieunes hommes de

2 Guerre des Lombards, 773-774.

cœur genereux , fort attristés, signamment de voir qu'an si grand et redouté monarque, auec un si excellent exercite , n6 rapporteroit aucun acte digne d'eternelle memoire d’un si grand voyage. d'une volonté unanime et preux courage atcourarent iusques aux cloisons d'iceux destroicts, et auec haches. dont ils étoient fournis . briserent et mirent en pieces les portes, eux se sentans sous la protection de leurs harnoïs et boucliers, qui furent suiuis de leurs compagnons, voyans qu'il n’y apparoissoit aucune deffense au dedans: et par eux furent rompues les barrieres de bois y apposées. De quoy le Roy aduerty, rappella son exercite, passa les destroicts, et à la descente de la montagne . apperceut en la plaine un grand nombre de tentes, pauillons et cheuaux hannissans, et approché de plus près ne treuue ame aucune; si qu’entrant es tentes , trouua grande aboudance de cheuaux, armes, victuailles , habits et harnois . et encor plus d'or et d'argent: car le Roy Didier auoit. la nuit precedente, receu du ciel telle terreur et espouuentement, que luy et les siens, delaissans tout leur bagage, s'en étoient fuys et sauués dedans la ville de Pauie. Et seiournant ledit Charles et les siens quelques iours en cæ lieu, recueillerent leurs esprits et courage, puis remuans vindrent planter le siege deuant Pauie, où ils auoient été aduertis que le Roy Didier s'étoit mussé de crainte et de frayeur. Mais voyant le Roy Charles ke seiour qu'il conuenoit de faire audit siege, auent que pouuoir expugner ladite ville, enuoya querw sa femme en France, auec bonne et seure escorte de gens de guerre, laquelle venue, il logea en une tente auec gendarmerie, d’un des costés de la ville, et luy se plant de l'autre: et de son costé, pendant ce temps. fit construire une

abbaye de moynes , et la Royne semblablement de son costé un

cloistre de religieuses ; comme lesdits monastere et cloistre y sont encor presentement. Ainsy que la solemnité de Pasques approchoit, le Roy delaissant son -exercite et sa femme pour continuer le siege, accompagné d'un train ordinaire , s'en alla à Rome, où il fut receu par le pape Adrian et par les Romains auec un mon moins grand honneur que ioye d'un chacun, et illec saintement solemnisa la feste auec ledit pape Adrian. Puis à son depart , soudain qu'il fut reuenu trouuer son camp, executa tellement qu'il prit la ville [774],

aIVRE DEUXIEME. 49

receut le Roy Didier, sa femme et ses anfans, et les emmena prisonniers en France. Si qu'ayant mis en paix et repos tout le pays du Pape et de tous les Romains, retourna en Rome, où par le Pape et tous les Romains, auee ioye indicible , fut sacré et receu Empereur et appellé le pere et protecteur des Romains, en confirmant tout ce que son feu pere, le Roy Pepin . auoit donné au Siege apostolique, lui donna encor d’une liberalité imperialle les duchez de Spoletanne et de Beneuent. Puis reprenant son chemin depuis Rome, subiuga sous sa puissance la Tuscane, Lombardie , Allemagne , Saxe , Espagne et Galice. Après lesquelles glorieuses conquestes, dressa son voyage en Hierusalem . où il fut honorableinent receu et decoré de grands et riches dons par le Soudan de Babylone: d'où retournant, apporta auec Îuy des saintes reliques, sçauoir, une bonne partie de la sainte croix, un des trois clous, et partie de la couronne de nostre sauueur Jesus Christ. Et ainsy que l’on vouloit donner audit Roy la couronne entiere , un certain euesque la vint derompre, dont elle florit à l'instant, et les fleurs recueillies par le Roy furent apportées auec luy. Il apporta la chemise de la glorieuse et bienheureuse Vierge Marie , et un bras de St Symeon le Juste; puis vint loger le tout à Cologne , où ayant appellé grand nombre d'euesques, y établit de grands pardons et indulgences; et après quelque reuolution de temps, y eut un autre roy de France , successeur audit Charles , qui fit transporter icelles reliques en l'eglise de St Denis en France, où encor auiourd’huy elles sont tenues en grande reuerence, sçauoir, la couronne d’'espines, le clou et Îc bois de la croix. Ayant ainsy heureusement effectué plusieurs actes louables, qui seroient difficiles par ordre reduire icy par escrit, et qu'il eut aussy par l'ayde du Tout Puissant bien et droictement regy l'Empire Romain par l'espace de treize ans, un mois, quatre iours, par une heureuse fin reudit son ame à Dieu [814]. Mais auant sa mort, comme il retournoit de la vallée de Ronceual , où , par la trahyson de Ganelon, il auoit perdu les douze pairs de France auec vingt mille hommes, et qu'il eut vengé la mort d’iceux sur ledit Ganelon et les homicidiaires de ses gens , delibera se venir reposer en Allemagne, où ayant appellé vers soy l'archeuesque Tulpin, qu’il aymoit uniquement, luy dit : Mon

cher amy, eu vertu et pour le respect de l'amitié, du lien de ‘laquelle nous auons été tousiours ioncts par ensemble, ie te prie que s'il auient que tu me precede de mort , ordonne que soudain l'en sois certioré, et de ma part je n'en feray moins que toy si ie deccde le premier, Lequel pact et conuention confirmés se departirent ; ledit Tulpin se retirant à Vienne , et ledit Charles à Cologne. Puis bien peu de temps après, ledit Charles deceda fort vieil et caduc; au mesme iour que ledit archeuesque étoit à Vienne, en une chambrette qu'il auoit fait construire pour vacquer à oraison, ainsy quil chantoit le psalme Deus in adiutorium, c'est à dire, Dieu soit à mon secours, apperceut plusieurs diables passant pardeuant la fenestre qui luy donnoit clarté, de quoy fort emerueillé, leur vint à dire : Je vous coniure par le Dieu tout puissant me dire où vous allez et d’où vous venez; auquel l'un d'iceux respondit : Nous venons du trespassement de Charles. Et quoy faire? dit l’archeuesque. Rien, dit de diable. Pourquoy? dit Tulpin. Parceque, repliqua le diable, vostre Galecian auoit mis si grand nombre de pierres et de bois en la balance, qu'elle étoit plus pesante d’un costé que les meffaits commis par Charles, lesquels nous auions accumulés en l’autre partie de la balance. Et à ceste cause, Michel l'ayant emporté, nous l'auons perdu. Et par ce moyen l’archeuesque fut donc aduerty de la mort dudit Charles. Et ne faut qu’aucun se persuade que ce que i'escris icy dudit Charles vienne de mon inuention , d'autant que le tout est icy transcript de mot à mot de sa vie, où sont encor inscriptes choses autant ou plus admirables par luy faites. Mais parce qu’il m’a semblé indigne que les gestes d'un si grand et heroïque personnage fussent enseuelis et passez sous un odieux silence, l’en ay bien voulu rafraischir la memoire , pour le soulagement et contentement de la posterité, l'aduertissant en quel temps et eombien d'années il a regné : étant auenu ce que s'ensuit du temps de ses successeurs.