LIVRE DEUXIEME

accordez et confirmez par priuileges speciaux des apostres, empereurs, euesques, ducs , comtes et autres grands et puissans seigneurs , qui ont mis la main à fonder et doter cestuy monastere. De façon que ceux qui se treuuent auoir enfrainct tels priuileges, comme dignes de punition diuime, et excommuniés par l’archeuesque, sont tels declarés par quatre euesques apostoliques. Quiconque donc voudra euader telle rigueur, soit vigilant à faire son deuoir, étant appellé à telle charge d'aduocat. Parce que après telle ordonnance, s'en sont trouués plusieurs excommiuniez en ceste eglise, laquelle a iouy de tels priuileges iusques au temps qu'il y succeda un quidam nommé Adelard , aussy peu docte que prudent et discret, mais plustost dissipateur du bien de ladite abbaye , comme nous dirons à son tour. |

* Comme le Roy Charles assiegea Pauie, et prit le Roy Didier.