CHAPITRE XI

Quatorze ans après les choses susdites accomplies, Adelbert , abbé dudit monastere de Moyenmoustier , à l'assistance de plusieurs abbez et religieux , fit enleuer le corps dudit St Hydulphe , qui reposoit encor dedans un tombeau de pierre [957]. En ce obseruant les ceremonies necessaires à telle œuure. Puis le posa dedans un coffre de bois, à ce preparé. Au mesme temps furent enleués les corps de deux freres Germains , sçauoir, Jean et Bening , disciples dudit St Hydulphe, lesquels venus en ce monde miraculeusement , ne s'étoient iamais separés l’un d’auec l’autre : car à une mesme heure furent conceus au ventre de leur mere, et en iceluy formés en un mesme instant , nés à une mesme heure , nourris ensemble, mis aux estudes ensemble, receus et profès moynes ensemble, continuans Jeur conuersation par ensemble. En un mesme 1iour saisis de maladie, et decedés en un mesme iour, leurs esprits rauis au ciel par ensemble , et posez leurs deux corps en un mesme tombeau, d'où l'on peut ainsy parler d’iceux que iamais n'ont été separez l'un d'auec l’autre. Quelque temps après que le corps de ces deux furent enleuez, arriua en icelle contrée Vosgienne un saint personnage, nommé Estienne, euesque de Toul , qui ayant un cerlain iour de feste fait la solemnité à Moyenmoustuer, s'en alla en l'abbaye de St Sauuetir, où il rendit son ame à Dieu , et de là son corps fut rapporté en l'eglise dudit Moyenmoustier, l'ayant ainsy ordonné auant sa mort. Et fut posé au mesme tombeau d'où on auoit leué les corps des deux freres cy dessus nommés. Et depuis au temps qu'un abbé, dit Nicolas, gouuernoit ladite abbaye , les ossemens dudit euesque furent enleuez , auec lesquels l'ay veu une petite croix de plomb, sur laquelle sont incisez tels

mots : Estienne, de bonne memoire | Euesque de Toul. Lequel aussy auoit donné plusieurs bonnes rentes et gagnages à ladite abbaye, qui encor auiourd'hui sont possedées par les moynes dudit lieu,

Quand et comment le monastere de Bouxieres sous Nancy fut basty.