CHAPITRE V

Enuiron ce temps fut un Roy magnifique au royaume de France, qui s'appelloit Philippe, et qui sur tous ceux de sa sorte étoit merueilleusement discret pour le fait des iugemens , ainsy que l'on lit de Salomon. Et pour ee que r'estime ses actes debuoir profiter aux hommes curieux de sçauoir, ie tascheray d'en raconter quelque peu entre beaucoup que r'ay appris des fidels escriuains de ses gestes. Or étoit sous le mesme Roy un certain bailly infiniment opulent et caut, et qui auoit un capitaine fort voisin de sa maison, à laquelle étoit une vigne inestimement desirée dudit capitaine. Mais le bailly, pour ce qu'icelle vigne étoit ioincte aux confins de sa maison , la conuoitoit sans raison , et souuentes fox, rersistant à son entreprise , sollicitoit auec grande priere le capitaine qu'ez presence de ses concitoyens. 1l prit pour la vigne tel prix qu'il voudroit. Mais le capitaine respondit constamment , que pour chose du monde, il ne pourroit desheriter sa femme, ny ses enfans de ladite vigne. D’autre part, le bailly machinoit tous les moyens qu'il pouuoit , afin d'obtenir la vigne. Or, 1l auint que ce capitaine mourut et fut enseuely en la cimetiere honnorablement. Ce qu'étant venu à la connoissance du bailly, il excogita chose merueilleuse à dire, pour venir à la possession de la vigne. Il s’en alla au marché de la cité, où il sçauoit élre grande affluence de toute sorte de gens. et où étant paruenu , iettant sa veue de çà et de là , vit entre autres deux hommes de grande et robuste stature, que s'ils fussent été honnestement habillez ( car ils étoient presque nuds ) demonstroient la forme d'honnestes gens. Le bailly les choisissant et les emmenant en

* Philippe I, 39° roi de France, de 4060 à 4108.

TS, Om a 2 mm

son logis , leur parla de ceste sorte: O amis , si vouliez acquiescer à mes conseils, ie vous donnerois tant et suflisamment de mes biens que facilement vous pourriez releuer vostre pauureté, car vous me semblez assez honnestes et de corps et de façons de faire. A ces mots, les deux hommes promirent de l'assister et effectuer sa volonté selon leur possible. Or, le bailly, la nuct ensuiuant, prenant auéc soy ces deux hommes mercenaires, auxquels il bailla des honnestes habillemens et argent à suffisance , puis les mena au tombeau où le capitaine auoit été enseuely: Jequel tirerent hors à force d'instrumens qu’ilz auoient apporté expressement , et l’ayant esleué sur ses pieds , le bailly parlementoit auec luy comme s’il fut été en vie, disant : voicy dès bien longtemps ie t'ay sollicité que me vendisse ta vigne, et encore maintenant ez presence de ces hommes qui sont auec moy, 1e t’en supplie , et que par forme d'acquest tu permette que j'en iouisse; auquel l'autre, pour être mort, ne sceut respondre. Quoy voyant, l'un de ceux qui vindrent auec luy, dit : N'auez vous iamais appris que qui se faist, alloüe; cestuy semble bien creanter le marché ; touchez donc en main , car il nous est certain qu’il n'y contredit , voir mais permet bien que tel accord se fasse ;: beuuons donc ioyeusement les vins, et de fait ils auoient apporté quant à eux du vin pour confirmer le marché. Ayant donc exploité un pacte si execrable, remirent le capitaine en sa fosse, et le couurirent comme de premier il étoit , puis retournerent au logis du baïlly. Et le iour venant , de bon matin le bailly louant certains manouuriers, les conduit à la vigne en question. Mais la veufue du capitaine voyant telles gens besogner en sa vigne par le commandement du bailly, fut esperduement esbahye , de sorte que vénant deuers luy, s'enquit que vouloit dire telle usurpation ; dont elle eut response qu'elle luy étoit vendue de par son feu mary. Quoy oyant, ploura grandement , et comme une beste legere se transporta vers Philippe, Roy de France, auquel en soupirant tendrement , elle declara l'inquietation du bailly qu’elle enduroit pour l’usurpation de sa vigne. Or, le Roy, d'autant que le capitaine de son viuant luy auoit fait seruice , et soy disant defenseur et propugnateur des veufues et orphelins ; appella à soy le bailly, qui vint accompagné des deux tesmoings qui assisterent à l’exploict de son marché , et se presenta au Roy auec la pompe de ses aduocats. Mais la veufue