LIVRE TROISIEME

appartient à Monsieur de Horboch, où il auoit quelques gens d'armes siens familicrs ,; auec lesquels il habita pour quelque temps et emporta quant à luy tout ce de pillage qu'il peut enleuer de l'euesque et de ses gens, comme cymaires, coffrets et autres vases, auxquels l’on portoit les ornemens episcopaux , l'huille sainte , le chresme et le sandal , et le mit au mesme chasteau où depuis ie les ay veu de mes propres yeux. Maheu étant aduerty que son neueu Thiebault , duc de Lorraine , s'acheminoit à St Dhié pour 1llec celebrer la feste de Penthecoste ensuiuant [14 mai1217], accompagné de grande suitte de gens d'armes . partist de Bilistein * pour s'y trouuer, non qu'il osast se demonstrer à aucuns , car il se meflioit d'eulx , et auoit entendu que les parens de l'euesque Regnauld auoient en opinion que par le consentement du duc, ledit euesque auoit été mis à mort. Dont le duc en étoit extrement marry, et pour cela Maheu n’osoit se presenter deuant son neueu. Et d’autant qu'il n'auoit aucun domicile asseuré au Val, il remonta au Clermont , auquel souuent il auoit habité, et où 1l celebra la feste tellement quellement, auec ce peu d'hommes qu'il auoit auec luy:; ie dis peu, car pour l'esgard de son infortune, 1à presque tous l’auoient à mespris. Toutefois au mesme iour de la Penthecoste, se retrouuant à St Dhié , se declara secretement à quelqu'uns ses amis, auxquels il demanda s'il seroit bon qu'il se presentast à son neueu, afin que de luy 1l peut obtenir grace et pardon. ce qu'ils ne luy conseillerent, d'autant comme ils disoient la mort de l'euesque luy étoit improperée , et partant le duc son neueu cherchoit sa vie. Le tout bien entendu, Maheu se retira au lieu où 1l conuersoit de coustume; mais le duc Thiebault ayant paracheué les festes de Penthecoste. à la troisieme se partit de St Dhié , ayant pris auec luy quelque noble cheualier qui nom auoit Simon de Jomuille, qui passant par Blammont et voulant s’arrester à un village qu'on dit Norpateglise?, descendirent en quelque ruisseau près de là, où de fortune se trouua Maheu qui les rencontra. Mais sitost que le duc Thiebault , enflammé de courroux , l'eut apperceu, dit à

a Bilxen , en Alsace, à deux lieues au-dessus de Colmar. b Norpailize on Nompatelise , sur la route de Remberviller.

eeluy qui cheuauchoit auec luy, que s’il l'aymoit , qu'il ne faillit à enfoncer sa lance dans le corps de Maheu ; mais l'autre renuant , dit que pour chose du monde , il ne tueroit un tel homme. Quoy entendu, le duc mettant la main sur ladite lance , courut sus à Maheu, qui voyant son neueu venir à luy de furie, mit promptement le genouil à terre pour impetrer de luy pardon ; mais le duc ne faisant cas de telles querimonies , trauersant de sa lance la poictrine de Maheu, son oncle, le rendit mort [2 juin 1217 ]'. Quoy mis à fin, se partit de là, où quelques uns suruénans , et le trouuant estendu dans le ruisseau, le transporterent à St Dhié. Et d'autant qu'il merita d'auoir telle fin , aussy ne luy fut determinée aucune humanité de sepulture ; mais il fut porté au Clermont, le lieu où souuentes fois en son viuant 1l habitoit, et où, près de l'eglise de la Magdeleine , il fut enfermé en quelque vaze de bois, et ainsy demeura quelque temps, et finablement 11 fut rué en une fosse où les arbres precipitez du vent tomhoient, en laquelle il fut caché de pierres et de bois pour sa telle quelle sepulture qu'il auoit merité. Et ainsy l'euesque qu'il auoit fait meurdrir fut rapporté au lieu de sa conuersation, c'est à sçauoir à l’eglise de Toul, où il fut honorablement enseuely ; mais le meurdrier, apporté au lieu où il auoit conuersé ,; comme dit est , n’eust seulement sepulture catholique. Et quant à Saledia, sa fille, dont nous parlions nagueres , elle fut espousée à un certain archer du village de Thillebert, qui la mena depuis en Allemaigne , près d'un chasteau de l’empereur Cronebergh ; où habitant quelque temps , mourut,

* Errard, valet de chambre de Thiébaut 1°, parle ainsi de Ia mort de € Maheu, grand paillardeux et violenteur de garces que fut en son temps... Ly duc Thiebaut jura que ly coupable n'auroit grace ; luy fit quette et courir sus et feit ordonnance à un sien gentilhomme qu'auoit nom Simon de Joinuille, et qu'étoit en sienne compagnie es chasses tout proche de Rambieller ( quand fut appris que li Mathieu étoit en certain lieu prochain, qui pourchassoit certaine mensgere d’un moitrieux de cesnt ) de ly deffaire de cestuy scandaleux Mathieu, encore que fut sien oncle et prêtre. Mais auenant que lidit Joiauille feit refus d’occir lidit prêtre par cas fortuit trouué en la trauersée de certain chemin qu'étoit dans le bois, et n'eut recours qu’en sien courrier qui n’auoit allure, ce qu'oisnt Monsignor, piqua le sien et pourtant lance en l'arrêt, ferri son dit oncle Mathieu de deux grands coups qui percerent de part à autre , et lui feit rendre s sale ame cn lieu que fut trouué. >» |

D D te ne Un. meme. PV nn ON om msi, 6: