CHAPITRE II

Comment , par prouesse chevalereuse , les isles devant Nusse furent conquises , et fut du 'tout assiegiée par terre et par eauwe.

Pour ce que la grande rivière du Rin couroit assez loing de Nusse, et que un membre d'icellese présentoit devant la muraille, avecque aultres ruisseaux et fontaines , qui ensemble se rentroientau grand cours, il y avoit une isle, d'environ une lieue françoïse. en rondeur, qui fortifioit la ville merveilleusement. Et pour ce que dudit membre découroit une vaine qui tantost se réintégroit avec le tout, une autre isle se engendroit, non pas si plentiveuse que l'aultre d'un tiers. En ces isles avironnées des fleuves courans , gisoit l'espoir total des assiégés, la racine de leur corne orgueilleuse, la potence de leurs bras furieux, et le baston de

(!4?4) Dli JEAN MOLIHET. 5j'

leur fîère m émoire ; car en treize sièges q u 'ils a voie n t soutenus anciennement, prince nul, tant fut-il doué d'extrême hardiesse , ne se ingéra d'en taster les Ions. Mesme, comme ils disoient, Charles-le- Grand n'y sceut mettre le pied ; mais son mendre de nom, non pas en qualité de meurs, de prouesse ne de glorieuse emprinse , mais en quantité de corps et de puissance seulement, l'osa bien attempter et envahir; et par subtilité et vaillance chevalereuse la conquist vigoureusement, non pas sans meschief ne domage.

Dedens £es isles et en aulcuns trenchis faits au long de la rivière, se tenoient des rustres de Nusse , et certains coulevriniers qui portoient grant préjudice à l'ost , souverainement à ceux qui puisoient l'eau et qui abreuvoient leurs chevaux ; parquoi le comte de Campo-Basso, logé assez près, fit amener ung bodequin sur un chariost , et noer (nager) un homme oultre le bras du Rhin, et arriver à la grande isle. Et quand vint le point du jour, d'une corde qu'ilavoit, tira oultre plusieurs barquettes d'Italiens et de Picquars, arbalestriers et colevriniers , et lesdits rustres qui ce regardoient , plus par faintise que par paour y comme ils montrèrent depuis, se retirèrent en la ville. Quant les susdits Italiens et Picquars furent passés au bacq environ six vingts , la corde rompit par meschéance , qui parpassoit le demourant ; et la garnison de Nusse, environ trois cens hommes bien en point, tous préavisés de leur fait, saillirent sur eulx et les.

38 CHKONIQUES 0474)

envahirent de'grand courage; et les aultres, voyant que nul secours nç povoient avoir, et ne sçavoient quelque lieu de refuge, se deffeïidirent merveilleusement ; et de si peu de gens qu'ils estoient, soustindrent le faix à force de bras. Là tirèrent et chargèrent à grand radeur, et fut la meslée très aspre et mortelle.

Fiuablement, Italiens et Picquars furent ene^nglés en un destroit de l'isle,oùils furenterueusement rompus et desconfis. Les uns, pour eulx sauver, saillirent auRin,oùilsse nojoient,et lesaultresen eschapoienU Les rustres en rappelèrent aulcuns et leur promirent seureté de vie; et iceulx parvenus à port, espérans trouver fidélité en Allemans, cheurenten la face de leurs glaives. Si furent détrenchiés et occis piteusement. Par ceste voie pernicieuse et oblique , desviant au vrai sentier de nobilité vertueuse, monstrèrent Germaniens qu'il n'y avoit guère d'asseurance ne de léaulté en eulx. A ceste oultrageuse occision, un grant morienne, nommé Christophe, très vaillant homme d'armes de la société des Italiens, fut ce jour plusieurs fois abbatu sur le camp; ettousjours se remettoit sur pieds, et renversoit par terre tout ce qu'il povoitatteindre.il futprins paf les satrappes , qui le menèrent par la ville , où chacun le regardoit, tant pour la crudélité du personnage comme pour l'admiration de ses œuvres.

Si disoient entre eux que c'estoit l'ennemi d'enfer ; et de faict le voulurent assommer; et combien qu'il fût navré , il se deffendit puissamment

(l474) DE JEAN MOLINET. 3g

et fut bouté prisonnier en la tour du moulin à vent sur les murs; puis trouva fachon, par mines que lui et aultres firent , qu'il vuida , lui unsiesme; et en saillant oultre les fossés, il lui souvint que l'un de ses compagnons estoit demeuré derrière ; si retourna franchement et le ramena sain et sauf comme les aultres, de quoi ceux de Nusse furent grandement esbahis. Le comte de Campo-Basso, frustré de son imagination, voyant la doloreuse perte des siens , et que les isles lui estoient plus loing que auparavant , quasi comme inagressibles et hors de son commandement , conçut grand desplaisir en son cœur, Mais le duc , à qui rien n'estoit impossible, y laboura d'une autre taille; et par main armée trop plus roide et seigneu rieuse, il fit préparer certains navires , èsquels il fit entrer trois conducteurs notables des ordonnances, chacun de cent lances et trois cens archers. L'ung fut sire Josse de Lalaing souverain de Flandres , en qui prouesse flourissoit haultement , et hononroit la chevaleureuse maison dont il avoit prins sa naissance. Le second fut Louis, visconte de Soissons, homme de très noble et verlueux couraige ; et le tiers fut un très vaillant chef de guerre , sire Jacques de Rebrennes, seigneur de Montfort. Ces trois menèrent cinq cens piétons desdites ordonnances, desquels estoient capitaines Rousetart, Pierre Périlleux et aultres de hault valoir. Par grande hardiesse et en très belle arroy , passèrent un bras du Rin, en spectacle de leurs ennemis , et à la pointe de l'espée. Comme jadis Brutus ejt

4o CHRONIQUES 0474)

Comiens conquirent l'isle d'Albion sur les géans > ils gaignèrent l'isle de Nuysse , sur les ÀUemans ; et n'y eut si hardi, qui se osast montrer en barbe pour donner résistance à leur très fier et redoubté effort, sinon de traict à pouldre assez hideux et aspre.

Ainsi se logèrent ces trois valereux champions et toute leur séquelle ; c'est assavoir, ledit cire Josse et le visconte en la grande isle , et ledit sire Jacques en la petite isle. Et là tut faict un grand trenchis ; l'on y assit uue grosse bombarde, plusieurs courtaux , serpentines, et a ultres grosses pièces d'artillerie, laquelle adomageoit très fort la ville, car elle droit au loing des murs, et brisoit lesarcures de la porte sur la rivière, dessoubs lesquels setenoient secrètement les assiégés, qui, voyans ce périlleux foudre , se saulvèrent en leur fort, par moynets et certains pertuis percés en la

muraille, et eslevèrent haultes terrées pour contregarde.

Entre les isles et ladite abbaye, avoit ung grand parcq à manière de pastis ; et assez près d'une fournaise , prindrent logis cent lances et seize archers d'Angleterre, desquels estoit capitaine sire Jehan Mileton dessusdit. Et affin que l'un siège peult secourir à l'aultre, le duc fist faire deux merveilleux ponts de tonneaux et de asselles, dont l'un traversoit le bras du Rin pour aller vers son quartier, où passojent chariots , gens et chevaliers, auquel il ordonna trois cents piétons qui le gar-*doiçnt jour et nuit; etl'aultrç traversoit ledit bras

("474) DE JKÀN MOLINET. 41

pour aller des isles au quartier des Italiens ; et fit venir de ses pays de Gheldres et de Hollatide , environ cinquante navires que conduisoit Martin Fouque , sur la grande rivière du Rin, afin d'en obtenir la maitrise et possesse. Ainsi fut Nusse assiégée par terre et par eaue , de si près close et serrée, que ame n'y povoit avoir entrée ne yssue, sinon à grand péril et dangereux encombre.