CHAPITRE CCCXXXVI
De la venue du conte de Warwyc eu Londres, qui fist grant joie aux Franchois pour la dépression du roi Edouard et de ses alliés.
De ceste venue en Londres au comte de Warwyc, et d'avoir prospéré si avant , fut faite grande joie entre les Franchois; et se bagnoit le roy Loys en roses, ce luisambloit, d'oyr reste bonne aven-
(1469) DE GEORGES GHASTELLA1N. ig5
ture , . car estimoit bien par ce moyen le royaume estre pour Warwyc, et par conséquent fortrait de la main du duc de Bourgogne , qui en manachoit toute France. Si en fit le roy grant joie et grant feste ; et continuellement y a voit messages allans et venans entre Warwyc et ly , pour reconfort l'un de l'autre. Et portoit ainsi le temps alors, que se le roy Loys bayst le duc Charles de venin et de mort , Warwyc ne le hayst riens moins pour cause du roi Edouard, jurés ensemble. Et par ainsi, ce que Warvyc prospéroit en Angleterre estoit à la joie et consolacion du roy Loys de France, et ce que Edouard <déclinoit estoit à la confusion et opprobre du duc Charles de Bourgogne, qui encore avoit son attente toutefois et son espoir en rassemblement de son beau-frère, le roi Edouard, pour deffendre sop royaume , et de quoi toutefois il tira peu de fruit enfin, car n'y avoit deffence ne demie* *
... Or vejssiez à Londres tout le monde prendre kj rave-stoc, qui veut dire un baston ventilleux, livrée du conte de Warwic; et ne s'y osa trouva ne monsirer homme qui portast la rose. En Calais mesme cheurent en division l'ung contre l'autre, et prin~: drent ceux qui soloient porter la rose le rave-stoc en grand multitude. Autres grand nombre toute fois et fermes à Edouard, portoient la rose toujours; et vindrent aucune fois en confliction l'ung contre l'autre dedens la ville par ceste manière de faire ; et là ou le seigneur de Duras , gascon , commis
fl$6 CHRONtQlTB (*4^9)
capitaine de la ville de par Edouard, avoit moult dur à souffrir, et se trouva m aie ment honteux et perplex souvent ; car véoit messire Jehan Wanneloc , capitaine du cbasteau , homme fort double et variable , et ployant et vaucrant merveilleusement à tous vents, sans fermeté ne arrest, fort au plus fort ; et parcevoit bien que honneur et francise n'avoient point tant de lieu en lui, comme cauteleux temporisement. Si en avoit moult d'annuy et de deuil , qui, pour léauté et francise maintenir, avoit abandonné propre terre et patrimoine, grand seigneurie et grant estât avecques le rôi Charles, s'il se fut volu rendre Franchois. Mes prisant povreté en honneur et en maintenue léauté devant toute richesse du monde , en reproche de foy , s'estoit venu rendre Angles, saudoyer de Calais , qui , en Guienne , estoit un des grans barons de la terre pour mesme payer les saudées. 0 noble francise de gentilhomme, et que devois-tu penser ici, et comme mal te devoit faire , tu qui estois si grand homme de naissance et mis aveuques les sacquemens d'une ville, et non tant prisié que d'estre mis en royale court pour toutes tes pertes , il t'a convenu chanter et hurler, ployer et fléchir à l'appétit d'un grand tas de vilains sans honneur et sans raison et sans foy, encontre ta nature ! et qui plus est , ceux qui deussent estre nobles de fait et de corrage et toi deffendre en ton honneur et léauté si approuvée , se sont et ont esté ceux qui t'ont dérelainqui et mis à l'abay de
confusion mesmes et en péril de ta vie ! 0 seigneur de Duras, ta léauté te a. esté loable et de grant mémoire ; mes ta fortune t'a esté dure et escharce de l'avoir tournée en telle nacion , dont oncques bien ne se peut escrire sinon en péchié.
