Ia' Crotoy, Somme, arr. d'Abbeville, c. de Rue

toit des Françoiz en la ville. Et fit le connestalîle livrer navire aux Angloiz pour passer de la Somme pour aler à Calaiz. Et lors quant les communes de Picardie virent que les Angloiz estoient plus de demy passez, à ceulx de derrière coururent sus et en occistrent bien trois cens. Et pristrent à force leur pillage, ne oncquez pour le connestable de France n'en vouldrent riens laissier à faire. Dont le connestable fut grandement yrés, car il les prist à conduire à sa seurté tant qu'ilz fussent passés.

Ce jour que les Angloiz partirent de Saint Valéry, vindrent les nouvelles que monseigneur Philippe de Navarre, lequel estoit parti de Mante avec lui quinze cens glaives et bien sept cens arcbiers tous gens de fait, venoit pour secourir ceulx de Saint Valéry. Maiz il ouy nouvelles comme la ville estoit rendue à monseigneur Moreau de Fiennes, connestable de France. Lors passa ledit monseigneur Philippe de Navarre la rivière de Somme, ardant et courant le ^ais.

Le connestable de France et le conte de Saint Pol et monseigneur le Baudrain de la Heuse, amiral de France, à tout leur host, passèrent Somme et costierent monseigneur Philippe de Navarre. Et s'entre alaindrent les deux hostz empres le Mont Saint Eloy '. Par le conseil des Angloiz, le dit monseigneur Philippe prist une forte place pour atendre à combatre l'ost des Françoiz. Le connestable, le conte de Saint Pol et l'amiral de France vindrent par devant monseigneur Philippe de Navarre^ lequel o son host estoit rengié pour combatre et avoit mis sa gent en trois batailles.