Garencières

d'Orléans, deux de Compiengiie, deux de Caen, deux de Saint Osmer, deux d'Arras, deux de Lysle, deux de Tournoy, deux de Beauvaiz, des plus suffisans des dictes villes et cités. Et si furent encorres en hostage monseigneur d'Estouteville, monseigneur de Roye et monseigneur de La i\oche.

F*uis fut délivré le roy Jehan de France. Et le roy Edouart repassa la mer et envoia ses hostages en Angleterre. Le roy de France vint en son royaume et vint droit à Paris où il lut très solempnelnient receu. Etestoit Paris encourliné moult richement. Et esloient les ciloiens vestus de robes pareilles. A son encontre fut monseigneur le duc de Normendie, dalphin de Vienne, et moult de haulx princes et barons de France. Le roy de Navarre vint à Tencontre du dit roy Jehan à Saint Denis en France, et là fist la révérence à son seigneur le roy de France. Maiz il ne vint pas à Paris où le roy Jehan fut très joieusement receu. Et avoit à Paris, (juanl le roy Jehan y entra, fontaines qui rendoient vins de plusieurs manières.

Apres ce (|ue le roy Jehan fut venu de prison, fut fait ung giant concilie pour avoir voie de paier la raençon du dit roy (jui se montoit, comme devant est (lit , trente six cens mille frans flourins de fin or. Et fut acordé à icelui parlement par les prelas, par les nobles et aussi par les bonnes villes, pour paier la dicte somme de la redempcion du roy, que jusquez à six ans courroit en France Timposicion de douze deniers pour livre et la gabelle et le treiziesme du vin, et sur le plat pais cincj solz pour feu à mettre hors les ennemis du royaume de France. Et pour les diz Angloiz ennemis mettre hors, comme par le traictié avoit

DES QUATRE PREMffiRS VALOIS. i23

esté promis de par le roy d'Angleterre, demeura en France monseigneur Thomas de Hollande, lequel fist vuider la plus grant partie des forteresses anglesches que les diz Angloiz tenoient en France et en Normendie. Et en ce Faisant lui sourvint une maladie à Rouen dont il mourust. Et fut enterré aux Frères mineurs à Rouen lasepmaine d'aprez Noël, l'an de grâce mil trois cens soixante. Icestui monseigneur Thomas de Hollande avoit espousée une des plus belles dames du monde et moult noble. Apres le trespassement de son dit seigneur, moult de nobles chevaliers qui moult avoient servi le roy d'Angleterre et le prince son filz en leurs guerres, vindrent requerre au prince qu'il lui pleust à pa[r]ler à la contesse de Hollande. En especial ung des haulz hommes et nobles d'Angleterre nommé monseigneur de Brocas , très bon chevalier, qui moult grandement avoit servi le prince et pour lui tant en ses guerres que autrement avoit moult travaillié, requist le prince qu'il lui pleust tant faire qu'il eust la dicte dame et contesse pour lui à femme et qu'il en parlast à la dicte dame.

Le prince pour le dit chevalier parla à la dicte dame de Hollande par plusieurs foiz. Car moult voulentiers aloit pour soy déduire veoir la dicte dame qui estoit sa cousine et souventefToiz regardoit sa très grant beauté et son très gracieux contenement qui merveilleusement lui plaisoit. Et comme une foiz le prince parloit à la dicte contesse pour le dit chevalier, la contesse lui respondi que jamaiz espoux n'auroit. Et elle, qui moult estoit soublille et sage, par plusieurs foiz le dit au prince. « Ha! A! se dit le prince, belle cousine, eu cas que vous ne voulez marier à mez

amis , mal fut vostre grant beauté dont tant estes plaine. Et se vous et moy ne nous apartenissons de lignage, il n'est dame soubz le ciel que j'eusse tant chiere comme vous. « Et alors fut le prince moult soupprins de l'amour à la contesse. Et lors prinst la contesse à plourer comme femme soublille et plaine d'aguet. Et donc le prince la prinst à conforter et la j)rinst à baisier moult souvent en prenant ses larmes à grant doulceur et lui dit : v Belle cousine, j'ay à vous parler pour ung des preux clievaliers d'Angleterre, et avec ce il est moult gentilz bonis. » Madame la contesse respondi en plourant au prince : f< Ha ! sire, pour Dieu vueillez vous souffrir de me parler dételles paroles, (^ar c'est mon entente que je n'aye jamaiz espoux. Car je me suys du tout donnée au plus preux de dessoubz le firmament. Et pour l'amour d'icellui, jamais espoux fors Dieu n'auray tant que je vivray. Car c'est cliose impossible que je l'aye; et pour la sienne amour me vueil garder de compaignie d'omme, ne jamaiz n'est m'entencion de moy marier. »

l^ princ e fut moult en grant désir de scavoir cil qui esloit le plus preux du monde , et moult requis! la contesse qu'elle lui deist. Maiz la dicte contesse, plus l'en veoit escliaulfé, plus lui prioit (ju il n*en cercliast plus avant, et lui disoit : « Pour Dieu, 1res cbier seigneur, en sov agenouillant, pour la très douce Vierge mère, vueilliez vous en souflrir alant. » V brief raconter, le prince lui disl que, selle ne lui disoit qui estoit le plus preux du monde, qu'il seroit son mortel ennemy. Et lors lui dit la contesse : « Très cbier et redoubté seigneur, c'est vous, et pour l'amour devons jamaiz ;< mon costé cbevalier ne gerra. » I>e

prince qui moult fut adonc embrasé de l'amour à la contesse lui dit : « Dame, et je voue à Dieu que jamaiz autre femme que vous, tant que vous vivres, n'auroy. » Et présentement la fiança, puis après assez briefment il Tespousa.

Edouart, le roy d'Angleterre, sceut comme son filz le prince avoit la contesse de Hollande prinse et qu'il Tavoit espousëe. De laquelle chose il fut merveilleusement marry et dolent et voult qu'elle fust mise à mort. Car moult plus hautement se fust le prince marié, et n 'avoit empereur, roy ne prince soubz le ciel qui n'eust eu grant joye, se le prince de Galles se fust mist en son lignage.

La princesse sceut comme le rov d'Angleterre la heoit et dit à son seigneur le prince que pour Dieu elle fust mise hors d'Angleterre. Car elle estoit certaine que le roy d'Angleterre la feroit mourir, s'il la tenoit, et aussi le scavoit bien le prince. Et pour ce l'en emmena le prince en Guienne et vindrent à Bordeaux. Et là ouït elle ung filz qui fut nommé Richart qui depuis fut roy d'Angleterre, car ensainte estoit ainçoiz qu'elle partist d'Angleterre. La dicte princesse avoit une fille de monseigneur Thomas de Hollande, laquelle prist à femme monseigneur Jehan de Montfort qui puis fut duc de Bretaingne. De ce que le prince prist la contesse furent les Angloiz moult dolens et courouciés. Et de ce furent mal meuz vers le prince, et ne les povoit l'en plus couroucier que d'en parler devant eulz.

Jehan, le noble roy de France, aprezce qu'il fut venu d'Angleterre à Paris, il ala en Avignon par devers le Saint Père pour plusieurs causes et principalmeut pour

sa délivrance et de ses hostages plus briefment expédier, et aussi en especial comme vray catholique et bon crestien pour les ennemis de la foy confondre et la Saincte Terre de Jlierusalem mettre en la main des Crestiens. Car le dit roy Jehan avoit en voulenté et propos dealer en saint voiage, lequel son bon père Philippe de Valloiz avoit emprins quant il en fut deslourné par la guerre qui sourdi entre lui et le roy Edouart d'Angleterre. Et pour ce qu'il y avoit paix jurée entre les deux roys, le dit rov Jehan pour acomplir son dit bon désir, estoit pour ce allé, comme dit est, devers le Saint Père.

\ la venue du roy de France vindrent les cardinaulx à rencontre de lui , et l'aconvoierent depuis Ville Neufve jusques au palais du pape. Et là fut très sollennelment receu du pape. Car à l'entrée de son palais vinst le Saint Père encontre le roy de France comme au plus noble des roys crestiens et lui fist le Saint Père très especial honneur et révérence. Tandis comme le roy Jehan de France fut devers le Saint Père, vint en Avignon Pierres le bon roy de Cvppre, lequel estoit ung très excellent |)rince, hardi et preux pour la foy catholi(jue deffendre et essaucier. D'aucuns des cardinaulx fut acompaignié à venir à court par devers le Saint Père qui moult joyeusement le reçut pour ce qu'il estoit venu pour l'operacion divine, pour la foy catholicjue de Jhesucrist essaucier. Et après ce que le roy de (^ypre eust esté par devers le Saint Père, vint par devers le roy de France, (pii moult lui fist grant honneur.

hinocenl , le pape de Ronuno, assembla son concilie pour la saincte terre de Jherusalem délivrer de

la main des Sarrazins. Et là prescha le pape le saint voiage au dit roy de France et au dit roy de Cyppre. Lesquelz par Tinspiracion divine pristrent la croix pour aler eu dit saint voiage. Et pour icelle cause, comme dit est, estoit le dit roy de Cypre venu par devers le Saint Père pour lui dénoncer que les Turcs et le prince de chevalerie du soudent avoient deslruit aussi comme toute la plus grant partie du royaume d'Arménie. De laquelle chose le pape fist moult piteux reclaim, et par piteuses paroles le monstra au dit roy Jehan de France. Lequel pour la bonne affection qu'il y avoit et pour la grant nécessité qu'il veoit et avoit, prist la croix par la main du dit Saint Père en entencion d'aler en saint voiage. Et après le service fait, le pape donna à disner au roy de France et au roy de Cyppre. Et au doys qui fut ordonné pour le roy de France le plus prochain du pape, le roy Jehan, ains qu'il fust assiz ne qu'il se seist, pria le roy de Cypre qu'il se seist à sa table. Maiz par nulle manière le roy de Cyppre ne se voult seoir avec le roy de France. Et comme le roy Jehan le prist pour seoir, le roy de Cyppre lui dit : «Très chier sires, il ne m'apartient pas de seoir jouxte vous qui estes le plus noble roy des Cresliens. Car au regart de vous , je ne suys que ung vostre chevalier. » Et toutesvoyes falust il qu'il se seist jouxte le roy de France.

Quant les deux roys eurent par certaine espace de temps séjourné avec le Saint Père, le roy de France s'en ala à Nimes pour les affaires du royaume. Et Pierres, le bon roy de Cyppre, vint en France pour pourchasser chevaliers à fournir son emprise, et vint par devers le conte de Flandres, qui le reçut moult

honnourablement. Et après qu'il fut parti de Flandres, il vint en Normendie par devers le duc de Norniendie, son cousin, qui le reçut très joieusement, et ala en Tencontre de lui au dehors de Rouen, et lemist 1res solennelment en la cité. Et fut le dit roy de Cyppre avec le dit monseigneur le duc bien par l'espace de ung mois. I^uis ala veoir le duc de Bretaingne, et j)uis retourna à Rouen, et de là s'en ala et passa la mer, et ala par devers le roy d'Angleterre. Et fist le roy d'Angleterre ung grant semblant au roy de Cyppre. Et comme le roy d'Angleterre donna une foiz à disner au roy de (Cyppre, il luy dit : « N'avez-vous pas emprins à conquerre la Saincte Terre? Quant vous l'aurez conquise, vous devres rendre le royaume de Cyppre que jadiz mon anceseur le roy Ricbart bailla à garder à vostre prédécesseur. » Le roy de Cyppre apperçut et entendi bien les paroles du roy d'Angleterre et parla d'autres paroles comme se il ne l'eust point entendu. Puis ne demoura guaires en Angleterre et prisl congié du roy Edouart et retourna en Fiance. Jelian, le roy de France, escript à monseigneur Philippe de INavarre comme il avoit prins la crois, et (jue au plaisir de Dieu c'esloit son entente d'aler (uiltre mer en saint voiage de la Saincte Terre. Monseigneur Phinp|)e de Navarre lui rescript en lui suppliant cju'il lui pleust le acompaignier d'aler avec lui en icellui saint voiage et qu'il le serviroit de mille conjbatans, et que c'estoit la chose de monde dont il avoit plus grant désir que de guerroier les ennemis de la foy. De la response de monseigneur Phili|)pe de Navarre fut moult grandement liez et joyeux et disj ces paroles le roy Jehan de France qui furent ouyez :

DES QUATRE PRExMIERS VALOIS. 120

«Il fut jà ung jour que c'estoit mon mortel ennemi. Or est, la Dieu mercy, mon parfait amy nostre amé cousin Philippe de Navarre. Bien m'en dist vray mon frère le roy d'Angleterre, quant il fist Tacord d'entre moy et luy. » Puis escript à monseigneur Philippe de Navarre le roy de France comme il le faisoit maistre et gouverneur de toutes ses gens à icelle emprinse d'aler sur les mescreans Sairazins^ ennemis de la foy.

Cy raconte Pisloire après à parler de monseigneur le duc d'Anjou, filz du roy Jehan, que, comme il eust esté en hostage en Angleterre par l'espace de demi an et plus, il requist licence par devers le roy d'Angleterre de venir ung jour en France. Le roy Edouart d'Angleterre ne lui en voult donner congié. Dont le duc d'Angou ouït moult grant despit que lui, qui estoitfilz du plus noble roy crestien, estoit tenu en telle subgection. Pour laquelle chose, le dit duc d'Angou fist tant et moult secrètement qu'il eust une nef, et se parti celéement d'Angleterre, et s'en vint en France en sa terre. Et de sa venue tant fist segretement que monseigneur le duc de Berry, son frère, ne monseigneur le duc d'Orléans, son oncle, n'en sceurent riens. Edouart, le roy d'Angleterre, fut moult yrésde ce que le duc d'Angou s'estoit parti d'Angleterre, et fist aux barons de France si estrechier leur prison qu'ilz n'avoient fors la cité de Londres. Puis manda le dit roy Edouart à monseigneur Jehan .louel, qui avoit et tenoit plusieurs fors en Normandie, (ju'ilguerroiasten France en son propre nom comme Jehan Jouel. Et fut une guerre couverte. Monseigneur Jehan .louel prist lors à guerroier en France et par especial en INormendic et

garny ses forts moult grandement et pilla le pais, si qu'il falut que les gens des villes du plat pais d'entour se raençonnassent àluy.

Le roy .lelian de France soult comme son filz le duc d'Angou s'en estoit venu en France de Angleterre. Pour quoy vint à Paris et en fut très grandement couroucié. Car le dit roy .lehan avoit semons ung très grant parlement auquel vindrent les grans barons de France, le conte de Flandres et monseigneur Philippe de Navarre. Ft comme le dit monseigneur Philippe vînt au dit parlement, le roy se dreça contre lui et le fit asseoir contre lui. En icellui parlement, fut traictié de l'emprinse du roy d'aler oultre mer, et par avant de délivrer ses hostages et de satifier le roy d'xVngleterre de sa raencon.

En icellui parlement, fist le roy scavoir à son filz le duc d'Angou (ju'il y fu[s]t, maiz il sefist excuser. Neantmoins le dit monseigneur d'Angou fit demander sauf conduit de venir à son père le roy .lehan, pour ce qu'il se douhtoit que le roy son père ne le voulsist détenir prisonnier.

En Angleterre, ouït une très grant mortalité de mort moult hastive. En icelle mortalité, mourust très grant (juanlilé de gens et des hostages grant foison, c'est assavoir monseigneur le conte de Saint Pol, monseigneur de La Roche, monseigneur de Préaux de qui monseigneur Jehan de la Rivière espousa sa fille, heresse de la terre de Préaux, lacjuelle après le trespassemeiit d'icellui monseigneur .lehan de la Rivière fut mariée à monseigneur .lac(|ues de Bourbon. Et des bourgois des bonnes villes de France moururent d'icelle mortalité grant partie des hostages. Et par

especial y moururent les bourgoiz de Paris et ceulx de Rouen, sire Amaury Filleul et sire Jehan Mustel, qui estoient pour le roy de France en hostage.

Cy après dit que il vint une armée d'Angleterre qui estoit d'Angloiz àmonseigneur Jehan Jouel, et estoient bien quatre cens glaives. Monseigneur Jehan Jouel si fist une chevauchie et print le fort d'Auvillier. Puis vint devant Bernay et se loga devant le fort. Monseigneur Philippe de Navarre lui manda qu'il vuidast et qu'il n'avoit cause de faire guerre. Monseigneur Jehan Jouel ne fist rien pour le mandement du dit monseigneur Philippe.

Adonc manda monseigneur Philippe de Navarre tous les nobles de Normendie et ceulx de Rouen. Car le dit monseigneur Philippe avoit de par le roy Jehan lettres patentes à seel pendant en las de saye et cvre vert que tous fussent prestz pour venir à son mandement comme au propre ban du roy. Pour quoy les nobles et gens des bonnes villes vindrent au mandement du dit monseigneur Philippe de Navarre, lecjuel chevauca contre monseigneur Jehan Jouel qui pas ne l'attendi à combatre, et lors donna congié à ses gens.

En iceste chevauchie, avint que monseigneur Philippe de Navarre estoit au Bec Thomas où il altendoit ceulx de Rouen, qui là vindrent à lui en la compaignie de monseigneur de Blain ville et des nobles de Caux. Et avec eulx venoient marchans portans vivres. Et alors n'avoient point de vin se pou non en l'ost, fors monseigneur Philippe de Navarre à qui il fut dit (jue les gentilz hommes n'avoient que boire. Monseigneur Philippe fist crier que tous vénsissent mengier avec lui, tt fist mettre les nappes en ung gardin, et là furent les

i32 CliROMQUE

chevaliers et escuyers venuz. Monseigneur Philippe n'avoit que deux barilz de vin qu'il fist gelter en une fontaine qui estoit en ce gardin et dist : « Beaux seigneurs, or faisons liement et prenons à gré, car à présent je ne vous puis plus de vin aisier. » Des seigneurs et gens d'armes fut icellui soupper très parfaictement prins en gré. A la très grant et bonne chiere qu'il fist aux gens d'armes celui jour lui prinst la maladie de la mort d'une froidure qui le prinst après le chault.

Apres cestechevauchie, ledit monseigneur Philippe de Navarre, le bon chevalier, qui lant paramoit Tamour des gens d'armes, par sa grant doulceur et courtoisie, dont en son temps par deçà la mer n'avoit plus courtois de lui ne plus sages jeûnez homs de son estât, il vinst à Vernon et là acoucha malade, et fut tant la maladie griefve qu'il en mourust. Moult estoit madame la royne lUance couroucie de veoir la mort de son frère qui tant parestoit plain de grant hardement avec sa très haulle noblesse, et moult piteusement le pleingnoit.

Monseigneur Philippe de Navarre, quant il fut apressé du mal, il se fit confez moult dévotement. Et moult fut regretant Jehan le roy de France disant : u Ha! ha! Jehan, très redoublé et souverain seigneur, départir me convient de la très haulte emprinse que vous m'avieez octroiée du saint voiage d'oultre mer. Celui seigneur (jui y voull p[r]endre char humaine vous df>int fournir vostre voiage! » Puis redist monseigneur Philippe de Navarre après ung souppir : (r Ha! beau frère Charles de .Navarre, moult s'esveilleront encontre vous voz ennemis après ma mort, et rnoult se peneront de vous troubler par devers Jehan le noble roy de Kraiice. » Apres ce que monseigneur Philippe ouït ce

dit, ne parla se pou non. Et lui bailla l'en ses derrains sacremens et l'absolucion « a pena et culpa » qu'il avoit requiz qu'elle lui fust leue. Puis getta le derrain souppir et trespassa moult dévotement. Ses seurs madame la royne Blance et madame .lehenne de Navarre faisoient le plus merveilleux dueil du monde, criant : « Hélas ! Dieu, que fais tu, qui nous liostes nostre bon frère et nostre espoux? Espoux voirement, car par lui estions gardées et soustenues. Or avons nous tout perdu. » Nul ne les povoit conforter. Et par le conseil de madame la royne Blance, le corps de monseigneur Philippe de Navarre fut mis en sépulture en la cité d'Evreux, en la mère église de Nostre Dame, ainsi comme à si noble et si liault homme appartenoil. Jehan le roy de France fut moult dolent de la mort de monseigneur Philippe de Navarre, et en fist faire très grant service et grandes omosnez pour prier Dieu pour lui.

Le Saint Père pape Innocent trespassa de cest siècle. Et après ce les cardinaux, comme de ce est acoustumé, furent en consistoire pour eslire et nommer pape. Mais ilz ne peurent estre d'acort. Et pour la cause du descord d'entre eulx furent enfermés et enserrés jusquez à tant qu'ilz eussent nommé ung pape et esleu. Les cardinaulx furent tous d'acord qu'ilz s'en mettroient en l'élection de trois d'eulx, c'est assavoir monseigneur le cardinal de Bouloingne, le cardinal [de] Pierregort et le doyen des cardinaulx. Yceulx cardinaulx ne povoient estre d'acort. Car chacun y voulloit mettre ung syen parfait amy, car estre ne le povoient. Et donc, par la grâce du Saint Esperit, advint que le cardinal de Bouloingne disl aux austres

134 CHROMQUE

deulx cardinaulx : « Nous ne povons estre d'acort de faire ung de nous cardinaulx Saint Père. Et il y a ung bon preudomme qui est abbé de Marcelles. C'est ung vaillant et suffisant bonime. Je lui donne ma voix. » Les autres esleuz cardinaulx distrent à une voix sans le descorder ne debatre : « Ainsi le voulions nous. >> Ainsi fut il pape esleu et fut mandé. Il vint et fut consacré à Saint Père, et fut appelle pape Urbain. Et parrivant en son propre nom estoit appelle domp ou frère Jehan Grimouart, et estoit homme de bonne vie et saincté.

Cestui pape Urbain fist moult de bien aux clers et leur donna les bénéfices de saincte église. A aucuns clers mal lettrés, qui par faveur des grans princes avoient plusieurs et grans bénéfices, le pape Urbain leur recou[)pa leurs grans prouvendes et en donna aux bons clers qui en avoient pou.

Cy raconte du roy Jehan de France qui, pour la venue de son filz monseigneur d'Angou, pour ce que en nulle manière il ne voulloit enfraindre le traictié de lui et du roy d'Angleterre, estoit moult desplaisant. Et adfin que on ne peust dire que par lui feust en rien Pacorl corumpu, et aussique le roi F^douart ne estrechast aux hoslages leur prison, le dit roy Jehan de France passa la mer en Angleterre, et s'en ala en sa propre personne restablir prison pour son filz. Car le dit monseigneur d'Angou par nulle voye, pour doubte de aspre prison, ne voulloit retourner en Angleterre. Et aiiK oi/, (jue ledit roy Jehan parlist de France, il fit et eslabli son lieutenant et régent le royaume son ainsni' (il/ duc de Normendie et dalphin de Vienne. Puis passa, comme dit est, la mer et ala en Angleterre

pour apaisier et salifier son frère le roy d'Angleterre de ce que monseigneur d'Angou son filz s'estoit parti d'Angleterre sans sa licence. Moult soult grant gré le roy d'Angleterre à son frère le roy de France de ce qu'il le vit si plain de loiautë. Et bien grandement s'en tint content du fait du duc d'Angou pour la très grant foy et loiauté du dit roy Jehan de France son père. Moult souvent disoit le roy Edouart d'Angleterre que oncquez si loial prince n'avoit veu comme estoit son frère Jehan le roy de France.

En cest temps que le dit roy Jehan fut seconde foiz en Angleterre, monseigneur Jehan Jouel , chevalier angloiz, fit guerre en Normendie et en Chartrain. El en une chevaucie qu'il fit par France, il vint devant une forteresse qui estoit nommée Rouleboise. Et prist le chastel fors la tour en laquelle madame de Rouleboise avec autres nobles dames et gentilz hommes se retrairent, et moult bien la deffendirent. Mais monseigneur Jehan Jouel consentit que la dame et autres damoiselles fussent mises dehors de celle tour. Et quant elle fut dehors, il fit mettre la dame et les autres en une charette , et lors fit enfondrer la tour et assaillir d'icelle partie Pourquoy de la tour par nulle voie n'osoient* getter de celle partie, car ilz eussent getté sur leur dame et mise à mort. Et par ce prinst monseigneur Jehan Jouel le dangon de Rouleboise, et puis en envoia la dame et sa compaignie.

De la prinse du chastel de Rouleboise vindrent les nouvelles à monseigneur le duc de Normendie, régent le royaume, comme dit est, qui moult haslivement y envoia des gens d'armes pour rescourre le chastel, maiz ilz vindrent trop tari.

136 CHRO?îIQUE

Et pour résister et garder la rivière de Seine, monseigneur le duc régent fit faire une armée de galioz à nage pour garder la dicte rivière et conduire la marchandise. El furent en ceste armée grant partie de joennes hommes filz de bourgoiz de Rouen avec des arbales- Iriers de la dicte cité de Rouen. Et comme ilz deurent approchier de la dicte place, ilz se mistrent en ung lieu couvert jusquez au vespre Puis vindrent devant le chastel et descendirent à terre sans faire noise et vindrent assaillir ung moustier (jue les Angloiz enforçoient. Et tant efforciement l'assaillirent que par force le prindrent. Lors yssirent plus de trente Angloiz lesquelz furent occiz de ceulx de Rouen excepté six qu'ilz prindrent à raençon. Et pour le jour qui venoit ilz se trairent en leurs galioz pour ce que les Angloiz du chastel estoient plus que eulx, car ilz n'estoient pas lors plus de trente jeunes hommes d'armes sans les nageurs et autres gens d'armes mal armés. Et en amenèrent leurs prisonniers et avec ce amenèrent tous les basleaux que les Angloiz avoient prins. Et firent iceulx des galioz une petite bastide pour garder la marchandise. Mai/, les Angloiz renforcèrent le dit moustier ety mistrent 2:arnison. Et monseiirneur d'Yvrv, monseigneur de Blaru, monseigneur Guillaume Carbonnier, monseigneur Ligier d'Auricy et ceulx de la Bastide et ceulx de Mante vindrent assaillir le dit moustier et le prindrent.

En icelui an courant la date mil trois cens soixante trois, furent les plus grans gelées et le gregnieur yver (|ue l'en eust onccjuez veu ne ouy parler de plus de cent ans au devant. Et furent les rivières si fort engelées que les Angloiz à grosses routes passèrent à cheval

la rivière de Seine et coururent en Veuguessin et emmenèrent plusieurs prisonniers en leurs fortz et rappasserent par dessus la dicte rivière de Seine. Et pour résister contre eulx monseigneur le duc de Normendie fit faire une grande armée dont monseigneur Raoul de Reneval fut cappitaine, avec lui monseigneur de Blainville, l'amiral de France, monseigneur d'Aubegny, avec eulx moult de nobles bommes, affin que les diz Angloiz ne passassent plus la rivière de Seine. Puis après le froissement des glaces les dessus diz nobles bommes firent une cbevaucie [)ar devant le fort de monseigneur Jeban Jouel.

Monseigneur le duc de Normendie, pour rebouter les ennemis du royaume, manda monseigneur Berlran de Clacquin, lequel admena une grosse route de Bretons avec de bons cbevaliers^ monseigneur Yvain Cbaruel, monseigneur Olivier de Mauny, monseigneur Jacques de La Houssaye, Roulant de La Cbenaye, La Barre, avec maint bon liomme d'armes. En la route de monseigneur Bertran de Clacquin se mist le conte d'Aucerre et son frère le Yerl Clievalier à belle route de gens d'armes. Par le mandement de monseigneur le duc de Normendie, vint avecquez le dit monseigneur Bertran la cbevalerie de Normendie et de Picardie, premièrement le marescbal de Normendie, le baron de La Ferté, monseigneur de Blainville, monseigneur le Baudrain de La Heuse, amiral de France, monseigneur de Basqueville, monseigneur d'Yvry, monseigneur de Blaru, monseigneur Jeban de la Rivière, seigneur de Préaux à cause de sa femme, monseigneur Regnault de Braquemonl, monseigneur de Friquans, monseigneur de Betencourt, monseigneur le senes-

chai d'Eu, monseigneur de Clere, monseigneur d'Enneval, en leur route maint bon homme d'armes de Caux et de Normendie. Secondement, vindrent les chevaliers de Picardie , monseigneur d'Ennequin , maistre des arbalestriers, monseigneur d'Aubegni, monseigneur Raoul de Keneval, monseigneur Mahieu de Roye, monseigneur Hue de C.hasteillon, le chastellain de Beauvaiz et le viconte des Kesnes. Tous iceulx nobles hommes et leurs mesnies vindrent avec monseigneur Bertran de Clacquin, et s'assemblèrent à Mante les seigneurs, mais leurs gens n'y enslrerent pas.

A Pasques l'an mil trois cens soixante quatre, furent les dessus diz nobles à Mante où ilz firent leurs Pasques. Et l'andemain vindrent mettre siège devant le chastel de Rouleboise*. Et là vint le Besgue de Villaines, et se logierent devant le dit chastel. Et entour leur host firent fossez et bayez les diz Françoiz qu'ilz ne fussent soupprins.

L'un des cappilaines des Angloiz, nommé Gaultier Strot, avec lui ung archier, le samedi de cluses Pas(|uez sur la relevée, comme les vendeurs de cuisine appareilloient leurs chars pour vendre l'andemain en l'ost, ceslui cappitaine yssi de son fort par ung lieu couvert, avec lui son archier, et vint en Tost et prinst une hasle de char et navra le vendeur. Car comme le dit (Taullier Strot le prenoil, le dit bonhomme lui dit (ju'il n'cinporteroit pas son haste sans argent et lui voult rescourre, panjuoy il fut navré. Et lors s'en prist Gaultier Strot à venir vers son fort. Le paisant commence à crier : « Haro! haro! celui là m'a navré et si