Hantonne, Southampton

4. Sans doute Aiguillon, Lot-et-Garonne, arr. d'Agen, canton de Port-Sainte* Marie.

moult de grans seigneurs et barons d’Alemaigne. Les crestiens firent leur reze sur le roy de l’Estone ' et le roi de Graco*, lesquelz s'estoient aliés à grant nombre de mescreans pour desconfire les crestiens. Les crestiens assemblèrent aux mescreans qui estoient infini nombre et avoient grant chevalerie. Les Alemans se commencèrent si à desconfire que l’estandart des crestiens cbey à terre. Et quant ce vit le bon duc Henry de Lencastre, il point celle part et o sa force et chevalerie redrecha la baniere des crestiens. Dont par ce fait s’esvertuerent tant les crestiens que par la voulentë nostre Seigneur Jhesu Crist les mescreans furent tous desconfis et les crestiens eurent victoire.

En l’an mil trois cens quarante trois, fit Philippe de Valloiz quinze deniers venir à trois.

L’an mil trois cens quarante six, Edouart le roy d’Angleterre, avec monseigneur Godefroy de Harecourtqui estoit bany de France, comme dessus est dit, O tout grant armée d’Angloiz, descendirent à [.a Hogue en Normendie. Le roy Philippe de France envoya en frontière Raoul, conte d’Eu et de Guines et connestable, filz de Raoul de Foukarmont, conte d’Eu, qui fut tué aux jouxtes à Paris. Et aussi ala avec lui le conte de Tanquarville, le mareschal Bertran et grant baronnie de Normendie. Edouart le roy d’Angleterre, comme il fu descendu en Normendie, il chevauca à Caen. Et là out moult forte bataille. Mais Angloiz si furent le plus et furent les François desconfiz. Là fut prins Raoul d’Eu connestable de France, le conte de Tancarville